E - HÖKUMƏT

Məlumat verdiyimiz kimi, bu yaxınlarda  Prezident İlham Əliyev dövlət büdcəsindən maliyyələşdirilən, fəaliyyət sahələrinə uyğun olaraq Azərbaycan Respublikasının hüquqi və fiziki şəxslərinə qrant verə bilən qurumların siyahısının təsdiq edilməsi haqqında Fərman imzaladı.

Fərmanda qrant verə bilən qurumların siyahısı tam təsdiqlənib və bu işlərin həyata keçirilməsi Nazirlər Kabinetinə tapşırılıb.

Məlum olduğu kimi, Rabitə və Yüksək Texnologiyalar Nazirliyinin tabeliyində İnformasiya Texnologiyalarının İnkişafı Dövlət Fondu tərəfindən 2-ci qrant müsabiqəsində qalib olan hüquqi şəxslərin qrantları bu günə qədər verilməmişdi.

Bir müddət əvvəl də məlumat verdiyimiz kimi, artıq siyahı təsdiqləndiyinə görə, hüquqi şəxslərin qrantlarının verilməsi istiqamətində fəaliyyətə başlayıblar.

Artıq Dövlət Fondu 2-ci qrant müsabiqəsində qalib olan hüquqi şəxslərin layihələrini  qeydiyyat üçün  İqtisadiyyat və Sənaye  Nazirliyinə göndərib. Layihələrin adı çəkilən Nazirlikdə qeydiyyatı da başlayıb.

Haızrda bu isiqamətə görülən işlər barədə Xeberler.az-a məlumat verən  İT-in İnkişafı Dövlət Fondunun layihələr üzrə iş sektorunun müdiri Əkbər Abbasov yaxın günlərdə qeydiyyat məsələsinin yekunlaşacağını bildirib :

“Kommersiya  hüquqi şəxslər qrant qeydiyyatı üçün İqtisadiyyat və Sənaye Nazirliyinə təqdim  olunub. Sənədləşdirilmə  işləri son mərhələdədir. Yaxın günlərdə onların qeydiyyat məsələsi  də tam yekunlaşacaq”.

Əkbər Abbasov bildirib ki, dekabrın sonuna qədər bu startap layihələri üçün ilkin mərhələdə 30  faiz ödəniş olunacaq”.

Fond rəsmisi layihə rəhblərinə veriləcək qrant məbləği məsələsinə  də toxunub:

“Nəzərə alsaq ki,  Fondun elan etdiyi 3-cu qrant müsabiqəsi kiçik həcmli qrant müsabiqəsidir, deməli qalib layihələrə Müşahidə Şurasının qərarı ilə ayrılacaq məbləğin miqdarı 10-100 min manat arasında olacaq. Layihələrə uyğun olaraq bu məbləğ arasında qrant  veriləcək”.

Məltəm Talıbzadə