Ekspert: “Seçkilərlə bağlı saytda qüsurlar var”

27-03-2018 / 19:08

Məlum olduğu kimi, Mərkəzi Seçki Komissiyası (MSK) aprelin 11-də keçiriləcək prezident seçkiləri haqqında normal informasiya mühiti formalaşdırmaq üçün faydalı bir addım ataraq "Seçki-2018" Müstəqil Media Mərkəzi yaradıb. 

Belə ki, qurumun www.sechki-2018.az internet resursunu da istifadəyə veriblər. Üç dildə olan resursda xeyli multimedia materiallar da yerləşdirilir.

Amma ekspertlər də bildirir ki, resursda müəyyən qüsurlar, çatışmazlıqlar var.

Azərbaycan İnternet Forumunun prezidenti, ekspert Osman Gündüz məsələni Xeberler.az-a şərh edərkən deyib ki, Google-də axtarışlarda bu resursu tapmaq mümkün deyil:

“Adicə “seçki”, “prezident seçkisi”, “11 aprel” , “seçki2018” və s. indiki seçki kampaniyasına uyğun bu kimi sözlərlə axtardıqda bu resurs Google-də tapılmır. Yəni, görünür saytın SEO-sunda müəyyən çatışmazlıqlar var”.

Onun sözlərinə görə, axtarış nəticələrinin də normal bir təqdim edilməsi, səhifələnməsi yoxdur. Ekspert bildirir ki, sechki-2018.az resursunun mobil versiyası belə yoxdur:

“Bu azmış kimi heç olmasa mövcud resursun özü mobil avadanlıqlarla istifadəyə uyğunlaşdırılmayıb. Düşünrəm ki, bu cür faydalı resursun daha rahat və əlçatan formada istifadəsi üçün təkmilləşdirmələr aparılması yaxşı olardı”.

Xeberler.az

 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.