Smartfonların satışı 7 faiz artıb

23-08-2017 / 15:37

Qlobal smartfon bazarının həcmi 6,7% yüksəlib. Bu, orta səviyyəli modellərə artan tələbatla izah edilir.

Xeberler.az NRYTN-in elektron xəbər xidmətinə istinadən məlumat verir ki, bu haqda Gartner analitik şirkətinin yeni hesabatında deyilir.

Ekspertlərin qiymətləndirməsinə görə, 2017-ci ilin ikinci rübündə istehlakçılar 366,2 milyon smartfon satın alıblar. Ötən il bu göstərici 343,4 milyon idi. “Android” sistemli qurğuların payı 87,7%-dək artıb, iOS ilə işləyən qurğularda bu göstərici 12,1% təşkil edib.

Ucuz smartfonlara tələbat güclü olaraq qalmasına baxmayaraq, inkişaf etməkdə olan bazarlarda yaxşılaşdırılmış prosessorlar, qabaqcıl kameralar və böyük yaddaş tutumuna malik 4G aparatların satışları artmaqdadır. Bu, orta səviyyəli (150-200 dollar) smartfonlara tələbatın artmasından xəbər verir" –  “Gartner”in araşdırmalar üzrə direktoru Anşul Qupta deyib.

Onun sözlərinə görə, 2017-ci ilin ikinci rübündə fləş yaddaş və OLED ekranların defisiti bahalı smartfonların tədarük həcminə təsir göstərəcək. Məsələn, daşıyıcı çatışmazlığı artıq özünü Huawei P10 qurğusunun satışlarında göstərib.

Samsung Electronics ən böyük smartfon satıcısı adını qoruyub saxlayır, onun bazar payı 22,5% təşkil edib.
 
Cənubi Koreya nəhəngi Galaxy Note 7 qurğusu ilə bağlı problem yaşadı, ancaq Galaxy S8 və S8+ smartfonlarının təqdim edilməsi Samsung məhsuluna yüksək tələbatı geri qaytarıb.

2017-ci ilin ikinci rübündə iPhone smartfonlarının satış həcmi illik hesablama üzrə 0,2% azalıb. Buna görə Apple-ın bazar payı 12,1%-dək azalıb.

Xeberler.az

 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.