Flurry Analytics tədqiqat şirkəti Yeni il bayramı günlərində mobil qurğu istehsalçılarının aktivləşdirilən məhsullarına həsr edilən hesabat dərc edib.
Xeberler.az RYTN-in elektron xəbər xidmətinə istinadən məlumat verir ki, reytinqdə gözlənildiyi kimi, birinci yeri Apple şirkətinin istehsalı olan məhsullar (iPhone) tutub.
Bayramlar vaxtı aktivləşdirilən bütün qurğuların 44 faizi Apple şirkətinə məxsus olub.
İkinci yerdə iki dəfədən çox fərqlə Samsung (21 faiz), üçüncüdə Huawei (3 faiz) şirkətləri qərarlaşıb. Sonrakı pillələrdə hər biri 2 faizlik göstəriciyə malik LG, Amazon, Oppo, Xiaomi və Motorola istehsalçıları yer alıb. Bu reytinqdən əvvəl Flurry Analytics mütəxəssisləri həm smartfonların, həm də müxtəlif ölçülü planşetlərin aktivləşdirilməsini hesablayıblar.
Şirkətin hesabatında, həmçinin bayramlar vaxtı aktivləşdirilən müxtəlif tipli qurğular üzrə statistika təqdim olunub. 2013-cü ildən bütün ölçülü planşetlərin satışı tədricən azalmağa doğru gedir, 5-6,9 düym diaqonallı smartfonların populyarlığı isə dörd il ərzində 4 faizdən 37 faizədək artıb. Kiçik diaqonallı smartfonların payı ardıcıl ikinci ildir 1 faiz təşkil edir.
Xeberler.az
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları