Sosial şəbəkələr uydurma xəbərlərlə mübarizə aparacaq

15-09-2016 / 17:26

Facebook sosial şəbəkəsi və Twitter mikrobloqlar servisi özündə 30-dan çox media şirkətini birləşdirən, məqsədi sosial şəbəkələrdə uydurma xəbərlərin yayılması ilə mübarizə aparmaq və informasiyanın keyfiyyətinin yaxşılaşdırılması olan ittifaqa qoşulub.

Xeberler.az ict.az-a istinadən məlumat verir ki, söhbət ötən ilin iyununda Google şirkətinin dəstəyi ilə istifadəyə verilən “First Draft Coalition” layihəsindən gedir.

O zaman layihə müəllifləri şirkətlər üçün praktiki təlimat yazacaqlarını, sosial şəbəkə istifadəçiləri arasında media savadlığının inkişafı ilə məşğul olacaqlarını, eləcə də istifadəçilərin xəbərləri təsdiq və ya inkar etmələri üçün platforma işə salacaqlarını bəyan ediblər.

Təşkilatın idarəedici direktoru Cenni Sarcentin sözlərinə görə, platformanın oktyabrın sonunda istifadəyə verilməsi nəzərdə tutulur. Layihədə Facebook və Twitter ilə yanaşı, New York Times və Washington Post qəzetləri, BuzzFeed News nəşri, AFP agentliyi və CNN telekanalı iştirak edir.

Qeyd edək ki, Facebook və Twitter uydurma xəbərlərin yayılmasına görə dəfələrlə tənqid olunub.

 

Xeberler.az


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.