İNNOVASİYA VƏ STARTAP

Son dövrlərdə   mövcud yerli startap komandalarında bir sıra problemlər baş verir. Belə ki,  startap komandalarının  daxilində parçalanmalar və hətta  mövcud şirkətlərin fəaliyyətinin dayanması,   iki yerə  ayrılması  halları  ilə  rastlaşırıq.
Parçalanmadan sonra isə müxtəlif hüquqi problemlər, tənzimləmə məsələləri gündəmə gəlir. 

Xəbərlər-in məlumatına görə,  sabah Yüksək Texnologiyalar Parkında "Startap və hüquqi problemlər" mövzusunda seminar keçirləcək.

Problemin aktual olmasını və startapların bu sahədə məlumatlığının artırılması üçün,  Yüksək Texnologiyalar Parkı belə bir məsələni günədəmə çıxarmağı məqsədəuyğun hesab edib.

Belə ki, martın 6-sı  keçiriləcək seminarda İnformasiya Texnologiyaları sahəsində əqli mülkiyyət hüquqlarının qorunması xüsusiyyətləri və problemləri,  hüquqi şəxsin təsis edilməsi və yaranan əsas problemlər: təsisçilər və investorlar ilə münasibətlər, əqli mülkiyyət hüquqlarının ötürülməsi ,  hüquqi şəxsin fəaliyyətinin hüquqi tənzimlənməsi: müqavilələr, daxili struktur və sənədləşmə, əmək və vergi münasibətləri  ilə bağlı mövzular müzakirə olunacaq.

Güman ki, seminarda son zamanlar aktual olan Nettrends startupı ətrafında baş verənlər də müzakirə mövzusu olacaq.
Məlum olduğu kimi,  bir neçə gün öncə Xəbərlər bu haqda ətraflı məlumat verib.

Məltəm Talıbzadə