İNNOVASİYA VƏ STARTAP

Sabah Park İnn otelində  “Startap Azərbaycan 2015”  müsabiqəsinin finalçıları elan olunacaq və ənənəvi Startap Azərbaycan milli konfransı keçiriləcək.

Xəbərlər-in məlumatına görə, müsabiqəyə qatılan 34 startap içərisindən ən yaxşılarının  adları  təqdimat  mərasimində açıqlanacaq.  

Qeyd edək ki, finalçılardan əlavə aşağıdakı nominasiyalar üzrə fərqlənənlər də   elan olunacaq:

 -“Ən motivasiyalı komanda” 

- “GoMap mobil tətbiqləri” 

 -“E-gov mobil tətbiqləri” 

 Finalçılar və fərqlənənlər öz startapları ilə tədbir iştirakçıları qarşısında qısa müddətli təqdimatlarını edəcəklər.

Sabahkı tədbirlər çərçivəsində finalçılar  və fərqlənənlərin investorlarla qapalı görüşü də keçiriləcək. 

 Onu da bilidirək ki, qaliblərə və fərqlənənlərə Startap Azərbaycan-nın, CyberNet və SİNAM şirkətlərinin, Elektron  Hökumət Portalının, Yüksək Texnologiyalar Parkı və “Fabrika”- Kovorkinq Mərkəzinin qiymətli hədiyyələri və diplomlar təqdim olunacaq

Yekun tədbirlər çərçivəsində  “Azərbaycanın startap mühiti (ekosistemi) : problemlər və perspektivlər” milli konfrans  da təşkil olunacaq. 

Startap Azərbaycan yekun tədbirlər proqramının son versiyası da təsdiq olunub.

 Yekun tədbirlərdə və milli konfransda startaplar sahəsində bütün maraqlı tərəflər -  startap komandaları, dövlət qurumaları və texnoparkların nümayəndələri, investorlar və İT şirkətlər, mentorlar və ekspertlər iştirak edəcəklər.

Məltəm Talıbzadə