TV panellərin tədarükü 201 milyonu ötüb

22-10-2015 / 10:24

2015-ci ilin iyul-sentyabrında dünyada televizorlar üçün panellərin tədarükü 69,06 milyon ədədə çataraq ötən rüblə müqayisədə 2,7 faiz və illik hesablamada 7,4 faiz artıb. Nəticədə üç rübün yekunlarına görə TV panellərinin ümumi tədarükü 201 milyon ədədi üstələyib ki, bu da 2014-cü ilin analoji dövründən 10,6 faiz çoxdur.

Xeberler.az-ın məlumatına görə, bu barədə WitsView analitik şirkətinin hesabatında deyilir.

 Hesabat dövründə TV panellərin istehsalı üzrə lider ümumilikdə 41,73 milyon ədəd tədarük edən LG Display şirkəti olub.

Qlobal TV bazarında ikinci yerdə müvəqqəti olaraq Tayvanın Innolux istehsalçısı qərarlaşıb. Üç rüb ərzində şirkət televizorlar üçün 39,06 milyon displey buraxaraq Meksika hökuməti ilə imzalanan saziş sayəsində tədarük həcmini xeyli genişləndirib.  

Hazırda Samsung şirkəti Tayvan istehsalçısından bir qədər geri qalır. İlin əvvəlindən Cənubi Koreya şirkəti 38,76 milyon panel tədarük edib. Törəmə Samsung Electronics tərəfindən sifarişlərin azalmasına görə şirkət 2015-ci ildə ikinci iri TV panel istehsalçısı olacaq.

Reytinqin dördüncü pilləsinə yanvar-sentyabrda 24,77 milyon televizor displeyi tədarük edən Çinin BOE şirkəti yüksəlib. Şirkətin illik nəticəsi 34 milyon ədəd səviyyəsində proqnozlaşdırılır ki, bu da ötən ilin göstəricisindən 140 faiz çoxdur və rəqib AU Optoelectronics (AUO) və China Star Optoelectronics Technology (CSOT) şirkətlərini qabaqlamağa imkan verir.

AUO ilin əvvəlindən 20,22 milyon TV panel tədarük etməklə liderlər beşliyini tamamlayır. Bu il şirkətin 26,4 milyon televizor ekranı buraxaraq tədarük həcmini 8,3 faiz azaldacağı gözlənilir.

Reytinqi Çinin üç rüb ərzində nəticəsi 17,75 milyon TV panel təşkil edən CSOT şirkəti tamamlayıb. Çin istehsalçısının illik dövriyyəsi 24 milyon ədəd (-2,7 faiz) səviyyəsində proqnozlaşdırılır.

Xeberler.az


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.