STARTAP AZƏRBAYCAN

Bu gün Azərbaycan Texniki Universitetinin İnnovasiyalar Mərkəzində Ukrayna və Azərbaycan startap ekosistemləri ilə bağlı dəyirimi masa keçirilib.

Xeberler.az-ın məlumatına görə, tədbirdə AzTU-nun prorektoru professor Mustafa Babanlı, Ukrayna Milli Texniki Universitetinin direktoru, “Sikorsky Challendge” Business İncubator-un meneceri İnna Malyukova və Ukrayna Milli Texniki Universitetinin “Kiyevskaya Politexnika” Elm və Texnologiyalar Parkının baş direktoru Yaroslav Koloqrivov iştirak ediblər.

Tədbirdə professor Mustafa Babanlı çıxış edərək Universitetdə innovasiyalar, bizneslə qarşılıqlı əlaqələr sahəsində görülən işlər haqqında məlumat evrib. O, Ukraynanın adı çəkilən qurumları ilə əməkdaşlığın və təcrübə mübadiləsinin mühüm əhəmiyyət kəsb etdiyini diqqətə çatdırıb. Qonaqlar rəhbərlik etdikləri qurumların həyata keçirdikləri layihələr , startaplar haqqında geniş təqdimatla çıxış ediblər.

Tədbirə Startap Azərbaycan nümayəndələri də qatılıb. Azərbaycan İnternet Forumun prezidenti Osman Gündüz çıxış edərək Startap Azərbaycan çərçivəsində görülən işlər və ölkəmizdə startap ekositeminin vəziyyəti haqqında məlumat verib. Görüş zamanı Ukraynanın adı çəkilən qurumları ilə gələcək əməkdaşlıq məsələləri, xüsusilə də Universitetlərdə Elm parkları və Texno parkların yaradılması istiqamətində müzakirələr aparılıb.

Məltəm Talıbzadə