UNCTAD: Azərbaycan aparıcı texnologiyaların İKT-də tətbiqinə görə regionun lideridir

03-03-2021 / 18:43

Azərbaycan aparıcı texnologiyalarının İKT sahəsində tətbiq edilməsinə hazırlığa görə dünyanın 158 ölkəsi arasında 70-ci yerdə, Qafqazda isə lider mövqedə qərarlaşıb.

Xeberler.az bildirir ki, bu barədə BMT-nin Ticarət və İnkişaf üzrə Konfransının (UNCTAD) "Technology and Innovation Report 2021" adlı hesabatına istinadən xəbər verir. Sözügedən hesabat süni zəka, robototexnika və gen düzəlişi kimi sərhəd texnologiyalarının mövcud bərabərsizliklərin genişləndirilməsi və yenilərinin yaradılması imkanlarını kritik şəkildə araşdırmasının nəticələrini özündə birləşdirir.

"Hazırlıq" indeksi beş meyar üzərində qiymətləndirilir: İKT-nın tətbiq edilməsi, bacarıqlar, tədqiqat və inkişaf fəaliyyəti, sənaye fəaliyyəti və maliyyə resurslarının əlçatanlığı. Məhz aparıcı texnologiyaların İKT sahəsində tətbiq edilməsinə hazırlığı ölkənin internet istifadəçilərinin ümumi əhaliyə olan nisbəti və ölkə üzrə internetin orta sürətinə görə qiymətləndirilir. Bütün meyarları birləşdirən ümumi indeksə görə Azərbaycan 100-cü yerdə qərarlaşıb və ölkənin mövqeyi aşağı-orta qrup ölkələrinə aid edilir.

Qeyd edək ki, ümumi reytinqin birinci pilləsində ABŞ, ikinci yerində İsveçrə, üçüncü yerində isə Böyük Britaniya qərarlaşıb.


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.