Vergiler.az saytının yeni rubrikası istifadəyə verilib

26-09-2019 / 14:44

Vergilər Nazirliyi vergi siyasəti, aparılan islahatlar, qanunvericilikdə edilmiş dəyişikliklər və vergi sistemində baş verən müxtəlif yeniliklər haqqında maarifləndirmə işlərinin aparılması üçün müasir alətlərdən istifadə edir.

Xeberler.az bildirir ki, nazirliyin informasiya orqanı olan “vergiler.az” internet portalı informasiya siyasətində maarifləndirici və məlumatlandırıcı xəbərlər, məqalələr və müsahibələrlə yanaşı interaktiv məlumatlandırma metodlarını da tətbiq edir. Saytda vergi ödəyicilərinin, jurnalistlərin və ictimaiyyətin digər nümayəndələrinin marağına səbəb olan “Ekspert baxışı”, “Sual-cavab”, “Rəsmi cavab” kimi maarifləndirici rubrikalar istifadəyə verilib. Geniş auditoriya toplamış bu rubrikalar sosial şəbəkələrdə də maraqla izlənilir.

“vergiler.az” saytında ictimaiyyətin maarifləndirilməsi işlərinin davamı olaraq “Vergi dərsi” adlı yeni rubrika başlayır. Elektron təhsil metoduna əsaslanan həftəlik rubrikada vergilərlə bağlı məsələlər tədris olunacaq. “Vergi dərsi”ndə vergi sahəsi ilə bağlı mövzular aydın, sadə və izahlı formada təqdim olunacaq. Seçilmiş mövzular Vergilər Nazirliyinin Tədris Mərkəzinin baş müəllimi Fariz Yadigarov tərəfindən izah olunacaq. Rubrikada mövzular vergi barədə ilkin biliklərdən başlayaraq bu sahədə bütün istiqamətləri mərhələli şəkildə əhatə edəcək. Vergi sistemini dərindən öyrənmək istəyən vergi ödəyiciləri, tələbələr və digər maraqlanan şəxslər bu rubrika vasitəsilə daha praktik biliklərə yiyələnəcəklər.


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.