Vərəq-televizorlar erası başlayır

03-09-2010 / 01:17

31 düymlü ilk 3D OLED-televizor hazırlanıb

Cənubi Koreyanın “LG Electronics” şirkəti üçölçülü təsvir imkanına malik 31 düymlü işıq diod (OLED) televizor hazırladığını bildirib.


Xeberler.az-ın Rabitə və İnformasiya Texnologiyaları Nazirliyinin rəsmi saytına istinadən verdiyi məlumata görə, LG tərəfindən 2,9 mm. qalınlıqlı yeni prototipin cümə günü, sentyabrın 3-də Berlin şəhərində start götürəcək istehlakçı elektronikası sahəsində Avropanın ən iri sərgisi olan IFA-da nümayiş ediləcəyi gözlənilir.


Şirkət yeni qurğunun texniki xüsusiyyətləri barədə ətraflı məlumat verməyə tələsmir. Ölçülərdən başqa həmçinin televizorda təsvirin maksimal yenilənmə tezliyinin 600 Qs bərabər olacağı məlumdur. Xatırladaq ki, cari ilin yanvar ayında 3D OLED-televizor “Sony” şirkəti tərəfindən təqdim olunub. Onun diaqonalı 24,5 düym təşkil edir.
Ekspertlərin fikrincə, işıq diod ekran texnologiyası tədricən maye kristal və plazma texnologiyalarını əvəz edəcək, lakin OLED-qurğuların satış həcminin üstün olması üçün hələ təxminən 10 il vaxt lazımdır.


İşıq diod televizorlar kiçik enerji sərfiyyatı ilə daha yüksək dəqiqlikli təsvir təqdim edir. İşıqlandırma texnologiyasının olmadığı səbəbindən OLED-televizorlarda panellərin rekord qalınlıq göstəricisini əldə etmək və qurğunu demək olar ki, divar şəkilinə çevirmək mümkün olub.


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə