Zuckerberg ailəsi təhsilə 5 milyon yatırdı

02-10-2015 / 17:01

Facebook-un yaradıcısı Mark Zuckerberg və xanımı Priscilla Chan qazandıqları vəsaiti tez-tez xeyriyyə məqsədi ilə bir çox  faydalı layihələrə sərf edirlər.

Xeberler.az xarici mətbuata istinadən məlumat verir ki, son günlərdə cütlük  daha bir layihəyə investisiya ayırıb.

Belə ki, Mark MasteryConnect adlı təhsil mərkəzinə 5 milyon dollar pul yatırıb.

MasteryConnect müəllimlər üçün xüsusi təhsil proqramı yaradıb. Yeni təhsil proqramında müəllimlər dərs planını hazırlaya və şagirdin dərsi hansı dərəcədə qavradığını müəyyən edə bilir. 

Hər bir şagirdin çatışmayan cəhətlərini də müəyyən edə bilən yeni təhsil proqramı təhsil sisteminin inkişafına kömək edəcək.

Xatırladaq ki, bu layihəyə indiyə qədər 29 milyon dollar  investisiya yatırılıb.

140 nəfərlik işçi heyətinə sahib olan MasteryConnect-in məqsədi ABŞ-da bütün təhsil sisteminə  daxil olmaq  və şagirdlərə texnologiyalardan istifadəni asanlaşdırmaqdır.

Mark və Pricilla daha əvvəl təhsil üçün 120 milyon dollar, Ebola virusu ilə mübarizə zamanı isə 25 milyon dollar köməklik göstərmişdi.

Əsmər Qabil


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.