Mark Zuckerberg məhkəmədə ifadə verib-Səbəb

18-01-2017 / 14:24

Facebook-un qurucusu Mark Zuckerberg  Oculus şirkətinin günahlandırıldığı məhkəmədə hakim qarşısına  çıxıb.

Xeberler.az xarici mediaya istinadən məlumat verir ki, şirkət rəhbəri həm Oculus-u müdafiə edib, həm də virtual reallıq texnologiyalarına milyardlarla dollar investisiya edəcəklərini açıqlayıb.

Xatırladaq ki, bir müddət öncə Facebook virtual reallıq texnologiyaları üzərində işləyən Oculus-u 2 milyard dollardan çox bir rəqəmlə (3 milyard dollara qədər) satın aldı və bu sahədə ciddi addımlar atacağını vurğuladı. Amma bu satınalmadan sonra ZeniMax Media adlı şirkət Oculus-un onların texnologiyasını istifadə etdiyi iddiasıyla məhkəməyə müraciət etdi.

Mark Zuckerberg  bununla bağlı məhkəməyə çağrılıb və Oculus-u müdafiə edib.

ZeniMax-ın iddilarının əsassız olduğunu deyən Mark, Oculus məhsullarının Oculus texnologiyası üzərində hazırlandığına əmin olduqlarını vurğulayıb:

"Bu olduqca yayqın bir vəziyyətdir, böyük bir iş edəcəyinizi elan edəndə bəziləri çıxar və işin bir hissəsinin ona aid olduğunu deyər. Məhkəmədəki çox adam kimi mən də ZeniMax-ı haqqında ilk dəfə eşidirəm”.

 Zuckerberg  həmçinin virtual reallığa nə qədər investisiya edəcəkləri mövzusunda rəqəmləri də açıqlayıb.

Onun sözlərinə görə, bu sahə sürətlə inkişaf edir və qarşıdakı 10 ildə bu sahəyə  3 milyard dollardan çox investisiya etmək məcburiyyətində qalacaqlar.

Günel


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.