«BlackBerry» istehsalçısı noyabrda planşet buraxmağa başlayır

02-08-2010 / 12:28

«BlackBerry» smartfonlarının istehsalçısı olan Kanadanın «Research In Motion» (RIM) şirkəti 2010-cu ilin noyabr ayında öz planşetini ictimaiyyətə təqdim edəcək.

«Apple» şirkətinin «iPad»ı ila eyni ölçüləri olacaq qurğu 9,7 düymlü sensor displey, eləcə də Wi-Fi və Bluetooth dəstəyi ilə təchiz olunacaq. Yeni planşetin mobil rabitəsi olmayacaq, internetə çıxış üçün isə mobil telefondan istifadə etmək lazım olacaq.

«Cnews» portalı xəbər verdiyi kimi, qurğunun «BlackPad» adlanacağı gözlənilir. Yeni planşet kompüterin qiyməti 499 dollara satılan «Apple»in «iPad»u ilə eyni olacaq. Qeyd edək ki, həmin konfiqurasiyadakı «iPad» planşetinin də mobil rabitə imkanı yoxdur.

Analitiklər hesab edirlər ki, «BlackPad»in buraxılması RIM üçün labüddür, çünki əks təqdirdə şirkət olduqca cəlbedici olan bu bazarı itirmək təhlükəsi ilə üzləşə bilər.

RIM-in təqdim etdiyi yüksək göstəricilərə baxmayaraq (cari ilin birinci rübündə «Research In Motion» dünya üzrə dördüncü ən iri mobil telefon istehsalçısı olub) ilin əvvəlində Kanada şirkətinin səhmlərinin dəyəri 15% düşüb. Müqayisə üçün xatırladaq ki, «Apple»nin səhmləri həmin dövrdə 22% bahalaşıb.


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.