142 - Çağrı mərkəzi 11 minə yaxın müraciəti cavablandırıb

03-11-2015 / 15:51

Cari ilin oktyabr ayında Azərbaycan Əmək və Əhalinin Sosial Müdafiəsi Nazirliyinin 142 - Çağrı mərkəzi tərəfindən 10 min 841 müraciət cavablandırılıb.

Nazirliyin İctimaiyyətlə əlaqələr şöbəsindən Xeberler.az-a verilən məlumata görə, daxil olan müraciətlərin 10 min 063-ü (92,8 faiz) vətəndaşların nazirliyin fəaliyyət dairəsinə adi məsələlərlə əlaqədar sorğularından ibarət olub və həmin sorğularla bağlı vətəndaşlara aydın şəkildə və ətraflı izahatlar verilib. Ayrı-ayrı şəxslərin bu və ya digər sosial təminat növü ilə təmin olunmaq hüquqlarının müəyyən olunması məsələlərinin, təklif və şikayətlərin ifadə olunduğu 778 müraciət isə araşdırılması üçün müraciət vərəqəsi əsasında nazirliyin aidiyyəti struktur bölmələrinə göndərilib.

Ümumilikdə ötən ay 142 - Çağrı mərkəzinə daxil olan müraciətlərin 4073-ü (37,6 faiz) sosial təminat, 2452-sı (22,6 faiz) əmək qanunvericiliyi, 2224-ü (20,5 faiz) Əmək və Əhalinin Sosial Müdafiəsi Nazirliyinin elektron xidmətlərindən istifadə, 1209-u (11,2 faiz) tibbi-sosial ekspertiza və əlilliyi olan şəxslərin reabilitasiyası, 883-ü (8,1 faiz) isə məşğulluq məsələlərinə aid olub. Bu dövrdə əmək qanunvericiliyi ilə əlaqədar müraciətlərin sayı ötən ilin oktyabr ayı ilə müqayisədə 42,8 faiz azalıb.

Eyni zamanda nazirliyin elektron xidmətlərindən yararlanmaq istəyənlərin getdikcə artmasının göstəricisi kimi, bu e-xidmətlərdən istifadə məsələləri ilə əlaqədar müraciətlərin sayında əvvəlki sentyabr ayı ilə müqayisədə 10,3 faiz, cari ilin avqust ayı ilə müqayisədə 55,2 faiz artım qeydə alınıb.

 

Xeberler.az


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.