Nazirliyin Çağrı mərkəzinə daxil olan müraciətlərin statistikası açıqlanıb

03-08-2015 / 11:10

Bu ilin iyul ayında Azərbaycan Əmək və Əhalinin Sosial Müdafiəsi Nazirliyinin (ƏƏSMN) 142-Çağrı mərkəzi 9 min 716 müraciət cavablandırıb.

Bu barədə Xeberler.az-a Nazirliyin İctimaiyyətlə əlaqələr şöbəsindən məlumat verilib.

Məlumatda qeyd edilib ki, həmin müraciətlərin 4 min 194-ü (43,2 faiz) sosial təminat, 2 min 343-ü (24,1 faiz) əmək qanunvericiliyi, min 295-i (13,3 faiz) ƏƏSMN-nin elektron xidmətlərindən istifadə, min 157-i (11,9 faiz) tibbi-sosial ekspertiza və əlilliyi olan şəxslərin reabilitasiyası, 727-i (7,5 faiz) isə məşğulluq məsələlərini əhatə edib. İyul ayında 142-Çağrı mərkəzinə daxil olan müraciətlərin 9 min 80-ı qeyd olunan fəaliyyət sahələri ilə əlaqədar sorğu xarakteri daşıyıb. Vətəndaşları maraqlandıran suallar nazirliyin mütəxəssisləri tərəfindən aidiyyəti üzrə dolğun izahatlar verilərək cavablandırılıb.

Daxil olan müraciətlərin yalnız 636-da (6,1 faiz) ayrı-ayrı vətəndaşlar onların əmək və sosial təminat hüquqlarının müəyyən olunması məsələlərini, habelə təklif və şikayətlərini ifadə ediblər. Həmin müraciətlər müraciət vərəqəsi əsasında araşdırılaraq cavablandırılması üçün nazirliyin müvafiq struktur bölmələrinə göndərilib.

 

Xeberler.az


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə