6 ay internetdən pulsuz istifadə imkanı-Müsabiqə

14-12-2017 / 11:11

“Elektron hökumət” həllərindən istifadənin təşviq edilməsi və “Elektron hökumət” üzrə gənclərin maarifləndirilməsi məqsədilə keçirilən müsabiqənin mükafat fondu elan edilib.

 ““Elektron Hökumət”in təbliği üzrə ən yaxşı hüquqi şəxs”, eləcə də, “Region gəncləri arasında “Elektron hökumət” həllərinin istifadəsini təbliğ edən ən yaxşı təşkilat” nominasiyaları üzrə qaliblər 6 ay müddəti üçün pulsuz internet xidmətindən istifadə imkanı qazanacaq.

Bu barədə Xeberler.az-a Nəqliyyat, Rabitə və Yüksək Texnologiyalar Nazirliyindən məlumat verilib.

“Elektron Hökumət”in təbliği üzrə ən yaxşı fərdi şəxs” və “Dövlət xidmətlərinin elektronlaşdırılması və www.e-gov.az – “Elektron Hökumət” portalının inkişafı üzrə ən yaxşı təklif” nominasiyalarının qalibləri isə 500 manat pul mükafatı əldə edəcək.

Müsabiqə qaliblərinə digər hədiyyələr, sertifikat və rəmzi mükafatlar təqdim olunacaq. Sənədlərin qəbulu dekabrın 20-nə qədər davam etdiriləcək.

İştirak etmək üçün  buradan qeydiyyatdan keçə bilərsiniz

Müsabiqə Nəqliyyat, Rabitə və Yüksək Texnologiyalar Nazirliyi, Gənclər və İdman Nazirliyi, Azərbaycan Respublikası Prezidenti yanında Gənclər Fondu, bir sıra aparıcı gənclər təşkilatları tərəfindən dəstəklənir.

Müsabiqə Elektron Hökumət Təlim-Tədris Mərkəzi və Məlumat Hesablama Mərkəzinin təşkilatçılığı ilə həyata keçirilir, qaliblər dekabrın 26-da keçiriləcək “Gənclər üçün Elektron Hökumət” konfransında elan ediləcək. 

Daha ətraflı məlumatı bu keçiddən əldə etmək mümkündür.

Günel


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.