TƏDBİRLƏR

Mayın 27-də təhsil üzrə ekspertlər və QHT nümayəndələri Azərbaycan Dövlət İqtisad Universitetində (ADİU) yaz imtahan sessiyasının gedişini izləyiblər.

Universitetin mətbuat  xidmətindən Xeberler.az-a verilən məlumata görə,prosesdə əməkdar elm xadimi, professor, təhsil üzrə ekspert Şahlar Əsgərov, “XXI Əsr” Təhsil Mərkəzi İctimai Birliyinin rəhbəri Etibar Əliyev, Korrupsiyaya Qarşı Mübarizə üzrə QHT-lərin Məlumat və Əməkdaşlıq Şəbəkəsinin koordinatoru Əliməmməd Nuriyev,  həmçinin “Multimedia” Mərkəzinin direktoru, Azərbaycan İnternet Forumunun prezidenti Osman Gündüz, Gənc Alim, Aspirant və Magistrlər Cəmiyyətinin sədri, AMEA Gənclərin İntellektual İnkişaf Mərkəzinin direktoru İlqar Orucov və Sosial Təşəbbüslərə Dəstək İctimai birliyinin sədri Hüseyn İbrahimov  iştirak ediblər.

Professor Şahlar Əsgərov bildirib ki,  ADİU-da imtahan prosesi çox  proqressiv və lideral dəyərlər istiqamətində təşkil edilib.

“XXI əsr” Təhsil Mərkəzi İctimai Birliyinin rəhbəri Etibar Əliyev  deyib ki, ADİU-da təkcə tədris yox, həm də elmin inkişafına böyük diqqət yetirilir.

İnternet Forumunun prezidenti Osman Gündüz ADİU-da aparılan innovasiyaları, texnoloji prosesləri  yüksək qiymətləndirib. Test imtahanlarında istifadə edilən texnologiyaları,  Appelyasiya üçün nəzərdə tutulan elektron müraciəti ,  “Promotey” proqramının çevikliyini, keyfiyyətini və təhlükəsizliyini xüsusi vurğulayan O.Gündüz bu metodun digər universitetlərdə də tətbiqinin vacibliyini qeyd edib.

Gənc Alim, Aspirant və Magistrlər Cəmiyyətinin sədri İlqar Orucov  ADİU-ya gənc müəllimlərin cəlb olunmasını da yüksək qiymətləndirib.

Qeyd edək ki, Həmçinin univeristetdə  yeni elektron xidmət də yaradılıb. Məlum olduğu ki, yaxın günlərdə universitetin  saytı yeniləndi. Hazırda sayt üzərindən tələbələrin  imtahan nəticələri ilə bağlı müraciətləri , təkliflərini dinləmək üçün  Elektron Apellyasiya (erize.aseu.edu.az) xidməti yaradılıb. 

İmtahanla bağlı hər hansı sual, təklif və iradların operativ araşdırılması üçün 4926043 nömrəsi və universitetin “qaynar xətt”inə (146-1-3) müraciət etmək mümkündür.

İmtahan sessiyası ərzində tələbələrin valideynləri və KİV nümayəndələri  prosesləri sərbəst izləmək üçün universitetə dəvət olunurlar.

Məltəm Talıbzadə