Ağıllı lampalar rəngini dəyişəcək və smartfonla idarə olunacaq

03-11-2015 / 22:08

Ağıllı ev kateqoriyasından olan qurğular getdikcə bazarda üstünlük təşkil edir. Bu devayslara şəbəkəyə qoşulan və ya mobil qurğudan distant idarəetməyə malik olan istənilən məişət əşyasını aid etmək olar.

Xeberler.az-ın xarici mətbuata istinadən məlumatına görə, ağıllı MIPOW Smart LED lampası məsafədən idarəetmə üçün Bluetooth-un mövcudluğu, uzun müddət xidmət göstərən işıq diodu və rəngini dəyişmə imkanlarına malik olması ilə fərqlənir.

Yeni ağıllı lampanın əsas üstünlüyü onun 16 milyon rəng çaları diapazonunda rəngini dəyişə bilməsindədir. Lampanın içərisində 10 Vt gücünə malik işıq diodu, işıqlandırmanın parlaqlığı və rəngini seçməyə imkan verən 4 rəngli diod vardır. Bundan əlavə, lampa standart E27 sokoluna (elektrik lampasının patrona taxılan metal hissəsi) malikdir, buna görə də evdə olan istənilən lampaya uyğun gələcək.

Lampanı idarə etmək üçün Android və iOS əməliyyat sistemli smartfon və planşetdən, ona qoşulmaq üçün isə “Bluetooth 4.0”dan istifadə etmək lazımdır. Playbulb proqramının köməyilə nəinki rəngi dəyişmək, həm də lampanın parlaqlığını tənzimləmək, qurğunun yandırma və söndürmə vaxtını təyin etmək mümkündür.

Xeberler.az


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.