Azərbaycan elektron hökumətin inkişaf səviyyəsinə görə 193 ölkə arasında 96-cı yeri tutub. Bu barədə BMT-nin illik "United Nations E-Government Survey 2012": E-Government for the People hesabatında deyilir.
Hesabata əsasən, on-line xidmətlərin səviyyəsinə görə ölkələrin indeksi - 0,3660 bal, telekommunikasiya infrastrukturunun inkişafına görə - 0,3033, insan kapitalına görə isə - 0,8259 bal təşkil edir.
İlk beşliyə daxil olan ölkələr bunlardır: Cənubi Koreya - 0,9283 (on-line xidmətin inkişafına görə -1, telekommunikasiya infrastrukturunun inkişafına görə - 0,8356, insan kapitalına görə - 0,9494), daha sonra Niderland - 0,9125 (müvafiq olaraq - 0,9608; 0,8342; 0,9425), Britaniya - 0,8960 (0,9739; 0,8135; 0,907), Danimarka - 0,889 (0,8562; 0,8615; 0,9489) və ABŞ - 0,8687 (1; 0,6860; 0,902).
MDB ölkələri arasında ən yaxşı nəticə Rusiyaya məxsusdur. O, - 0,7345 balla (0,6601; 0,6583; 0,8850) 27-ci yerdədir. Qazaxıstan 38-ci yerdədir - 0,6844 (0,7843; 0,3555; 0,9134),
Cənubi Qafqazın lideri isə 0,5563 (0,6013; 0,2328; 0,8348) balla 72-ci yerdə qərarlaşan Gürcüstan olub. Onun ardınca isə Ermənistan 0.4997 (0,5000, 0.4997 0.4025) gəlir.
Avstriya 12-ci yerdə elektron idarə etmə sisteminin ən yaxşı inkişaf edən ölkələrin iyirmiliyinə başçılıq edib. İyirmilikdə post sovet ölkələrindən Rusiya və Qazaxıstan var. Azərbaycan bu siyahıya düşməyib.
