Azərbaycan Hindistanla texnoloji transferləri müzakirə edib

25-07-2019 / 10:08

İyulun 24-də Hindistanın Azərbaycandakı səfirliyinin ticarət üzrə nümayəndəsi Vinay Kumar Nəqliyyat, Rabitə və Yüksək Texnologiyalar Nazirliyinin tabeliyində İnnovasiyalar Agentliyinin fəaliyyəti ilə tanış olub.

Agentlikdən Xeberler.az-a bildirilib ki, qonaqlar İnnovasiyalar Agentliyində yaradılmış şəraitlə, burada fəaliyyət göstərən laboratoriya, Barama Biznes İnkubasiya və Akselerasiya Mərkəzi ilə tanış olublar. Görüş zamanı İnnovasiyalar Agentliyinin yüksək texnologiyalar sahəsindəki fəaliyyəti, gələcək planları və ölkədə mövcud olan innovasiya ekosistemi barədə səfirliyin nümayəndələrinə ətraflı məlumat veriblər.

Görüşün əsas məqsədi yerli universitetlər və Hindistan arasında texnoloji transferin həyata keçirilməsi, Azərbaycanın innovasiya ekosistemində fəaliyyət göstərən əməkdaşların ixtisasının artırılması məqsədilə 1 ay və ya daha çox müddətə Hindistanda təlim proqramı keçirilməsi olub. Daha sonra iki ölkə arasında innovasiya və yüksək texnologiyalar sahəsində əməkdaşlıq perspektivləri, o cümlədən Azərbaycanda mövcud olan investisiya imkanlarına dair qarşılıqlı fikir mübadiləsi aparılıb.


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.