Azərbaycan növbəti dəfə ITU-nun Komitəsinə namizədliyini irəli sürüb

19-08-2021 / 20:09

Azərbaycan Beynəlxalq Telekommunikasiya İttifaqının (International Telecommunication Union – ITU) Radio Tənzimləmə Komitəsinə yenidən üzv olmaq niyyətindədir.

Xeberler.az Regional Rabitə Birliyinin yaydığı məlumata istinadən məlumat verir ki, Komitəyə növbəti dəfə Nəqliyyat, Rabitə və Yüksək Texnologiyalar Nazirliyinin nümayəndəsi Sahibə Həsənovanın namizədliyi irəli sürülüb.

Seçkilər ITU-nun 2022-ci ildə keçiriləcək Səlahiyyətli Konfrans zamanı baş tutacaq.

Xatırladaq ki, S. Həsənova 2018-ci ildə baş tutan Səlahiyyətli Konfrans çərçivəsində Radio Tənzimləmə Komitəsinə keçirilən seçkilərdə 115 səslə qələbə qazanıb və bu Komitəyə seçilən ilk Azərbaycan təmsilçisi olub. O, radiorabitə sahəsində ixtisaslı mühəndisdir.

Qeyd edək ki, Beynəlxalq Telekommunikasiya İttifaqının Radio Tənzimləmə Komitəsi radiotezlik spektri və peyk orbiti resurslarının idarə edilməsi üzrə məsul qlobal orqandır. Bu orqan Radio haqqında Əsasnamənin tətbiqi ilə bağlı prosedur qaydalarını, o cümlədən, radiotezliklər və peyk orbitlərinin istifadəsi ilə bağlı tapşırıqları təsdiq edir.


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.