15-16 noyabr 2023-cü il tarixlərində Təhsil Sisteminin İnformasiyalaşdırlması idarəsinin rəis müavini Ayaz Abuşov Qazaxıstan Respublikasının paytaxtı Almatı şəhərində keçirilən EdCrunch beynəlxalq konfransında iştirak edib.
Tədbirin keçirilməsində məqsəd təhsil sahəsində yeni texnologiyalar üzrə öyrənməni dəyişdirən yeni təşəbbüsləri təşviq etmək olmuşdur. Konfransda Böyük Britaniya, Birləşmiş Ərəb Əmirlikləri, Sinqapur, Cənubi Koreya, Finlandiya ilə yanaşı 35 ölkənin edtech liderləri, tədqiqatçılar və investorlar iştirak ediblər.
EdCrunch konfransı 2014 – cü ildən etibarən hər il təşkil edilir. Hibrid şəkildə təşkil edilən 10-cu yubiley konfransına 5 000 nəfər fiziki və 40 000 nəfər isə onlayn şəkildə qatılmışdır.
Qeyd edək ki, EdCrunch Avrasiya və Mərkəzi Asiyada yeni təhsil texnologiyalarının tətbiqi və məlumat analitikasının istifadəsi vasitəsilə təlim prosesinin effektiv və fərdiləşmiş formata çevrilməsini məqsəd olaraq hədəfləyən ən böyük konfransdır. Ardıcıl olaraq 10 ildir ki, dünyanın hər yerindən təhsilin və EdTech sənayesinin peşəkarlarını bir araya gətirən konfransda sessiyalar, panel müzakirələr və seminarlar təşkil edilmişdir.
