MOBİL RABİTƏ

Avropa və Amerikada  uğurlu biznes fəaliyyətində  əsas amillərindən  biri Toll Free nömrələridir.  Belə ki, bu xidmət  müştəri xidmətləri və telemarketinq zamanı geniş istifadə olunur. Toll Free xidməti potensial müştərilərə pulsuz və daha rahat yolla  şirkətlər yaratmağa imkan verir.

Toll Free nədir?

Toll Free 088 prefiksi ilə başlayan danışıq xidmətidir. Toll Free xidməti zəng edənə biznes və ya şəxsi nömrələrlə pulsuz əlaqə yaratmaq imkanı verir. Danışıq müddəti üçün ödəmə zəng edən tərəfindən deyil, zəngi qəbul edən Toll Free abunəçi tərəfindən ödənilir. Toll Free nömrə birbaşa olaraq sizin biznes və ya şəxsi nömrənizə yönləndirilə bilər.

Qeyd edək ki, dünyada geniş istifadə olunan bu yeni xidməti AvirTel şirkəti Azərbaycana gətirib.  Belə ki, AvirTel uzunmüddətli fəaliyyəti müddətində Azərbaycanın bütün sabit və GSM şəbəkə operatorları ilə əməkdaşlıq quraraq Toll Free xidmətini şəbəkələrdə tanıdır.

Şirkətdən Xeberler.az-a verilən məlumata görə, AvirTel artıq bu xidmətin ölkəmizdə geniş istifadə olunması istiqamətində işlərə başlayıb.

Şirkətdən  bildiriblər ki, Toll Free  xidmətinin ölkədə daha geniş və rahat istifadəsi üçün tariflərə yenidən baxılır və yeni formatlı sayt da yaradılır.

Toll Free necə işləyir?

Toll Free xidməti ilə  telefonlarda  zəngləri qəbul edirsiniz.  Bu zaman daxil olan zənglər zəng edən üçün pulsuz olacaq. Siz hər zamankı kimi zəngi qəbul edirsiniz. Hər  hansı bir proqramlaşdırma və yaxud quraşdırmaya ehtiyac yoxdur.

Toll Free-də nömrəni necə seçirsiniz?

Biznesinizin marketinq və reklamı məqsədilə 088 prefiksi və şirkət adından ibarət olan nömrə seçmə imkanınız olur.  Hətta  bu, ünvanınızı dəyişdikdə belə sabit qalacaq nomrədir. Bu o deməkdir ki,  siz mövcud və potensial müştərilərinizi ünvan dəyişməyə görə itirməyəcəksiniz.

 Xidmətin istifadə sahələri

Toll Free  xidməti sifariş, yardım, sorğu və ya texniki dəstək xidməti, qaynar xətt, məlumat prosessinq mərkəzləri, yaxud regional nümayəndəliklərin işinə nəzarət məqsədilə istifadə oluna bilər. Bu xidmət həmçinin Avropanın bank və sığorta sektorunda, o cümlədən səhiyyə və sosial layihələr üçün  geniş istifadə edilir.

Toll Free nömrəni haradan əldə etmək olar?

AvirTel MMC Azərbaycanda yeganə toll free xidmət operatorudur. Toll Free xidmətinə qoşulmaq  üçün xidmət haqqında daha ətraflı informasiya almaq və 088 prefiksi ilə Toll Free nömrə əldə etmək üçün AvirTel şirkətinə müraciət etmək lazımdır.

Məltəm Talıbzadə