"Xəzərin Azərbaycan sektorundakı "Bulla-dəniz" yatağında baş vermiş qəzanın qarşısını ən azı 2-3 saat əvvəldən almaq mümkün olardı. Lakin bu qəzanın qarşısını ala bilməməyimizin səbəbi kifayət qədər keyfiyyətli, inkişaf etmiş informasiya texnologiyalarına malik olmamağımızdır".
Xeberler.az-ın məlumatına görə, bunu Bakıda keçirilən AMEA-nın İnformasiya Texnologiyaları İnstitutunda Beynəlxalq Telekommunikasiya İttifaqının (ITU) 150 iliyinə həsr olunmuş informasiya təhlükəsizliyinin multidissiplinar problemləri II respublika elmi-praktiki konfransında İnstitutun idarəetmə sistemlərinin direktoru Telman Əliyev bildirib.
Onun sözlərinə görə, dünyada informasiya texnologiyaları sistemlərinin düzgün, keyfiyyətli olmaması Meksika körfəzində BP şirkətinə məxsus platformada qəza və ya Çernobil qəzanın baş verməsində mühüm amil hesab olunur.
"Qəzaların gizli və aşkar dövrləri var ki, bunun əsasında məlumatlar toplayıb, baş verəcək qəzanı öncədən proqnozlaşdırmaq mümkündür. İndiki informasiya sistemləri kifayət qədər güclü olmadığından, hələlik bu mümkün deyil", - deyə T.Əliyev qeyd edib.
Akademik əlavə edib ki, hazırda İnstitut tərəfindən bu sahədə bir neçə layihə hazırlanır.
Xeberler.az
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları