Bakı Ali Neft Məktəbində “Google”-un Proqramçı Tələbələr Klubu yaradılacaq

07-09-2020 / 17:11

Azərbaycanda ilk dəfə Bakı Ali Neft Məktəbində (BANM) “Google” şirkətinin Proqramçı Tələbələr Klubu ("Developer Students Clubs") yaradılacaq.

Xeberler.az bildirir ki, BANM-in V kurs tələbəsi Nəriman Tağızadə “Google” şirkətinin Proqramçı Tələbələr Klubu proqramına Klubun yerli bölməsinin rəhbəri olaraq qəbul olunub. Belə ki, proqram çərçivəsində N.Tağızadə BANM-də yaradacağı “Developer Students Clubs (DSC) “Google” ilə əməkdaşlıq edərək yeni layihələr üzərində işləməli və innovativ tədbirlər həyata keçirməlidir. Bakı Ali Neft Məktəbində bu bölmənin yaradılması həm tələbələrə proqramlaşdırma biliklərini artırmağa, həm də irimiqyaslı layihələrdə işləməyə şans yaradacaq.

Qeyd edək ki, Proqramçı Tələbələr Klubu “Google” tərəfindən tələbələr üçün təşkil olunan təcrübə proqramıdır. Bu proqram daxilində tələbələr öz təhsil mərkəzləri ilə “Google” arasında əməkdaşlıq əlaqələri yaradaraq yeni tədbirlər, ideyalar, layihələr üzərində işləyib “Google”-a təqdim etməlidirlər.

Hələ ki, bu proqrama Azərbaycandan cəmi 2 tələbə qəbul olub.


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.