Bakıda İnvestisiya və Mədəniyyət Sammiti keçirilir.
Təxminən 20 ölkədən nümayəndələr, investorlar, o cümlədən startaplar iştirak edir. Sammitin açılışında çıxış edən İqtisadiyyat naziri Mikayıl Cabbarov 2022-2026-cı illər üzrə ölkənin strateji inkişaf strategiyasının hazırlandığını bildirib.
İşğaldan azad edilmiş ərazilərdə fəaliyyət göstərən biznes üçün vergi güzəştlərin tətbiqi məsələsinə də baxıldığını qeyd edib.
Açılış mərasimində həmçinin Türkiyə Prezidentinin maliyyə ofisinin müdiri Göksel Aşan, Azərbaycanın gənclər və idman naziri Fərid Qayıbov, Türkiyə Prezidenti yanında İnvestisiya Ofisinin rəhbəri Burak Dağlıoğlu, Dünya Etnosport Konfederasiyasının prezidenti Necmettin Bilal Erdoğan, KOBİA-nın İdarə Heyətinin sədri Orxan Məmmədov və digərləri çıxış ediblər.
Tədbir çərçivəsində həmçinin, xarici ölkələrdən 50 yeni startapın təqdim olunduğu sərgi keçirilib.
Sərginin məqsədi İƏT ölkələrindən olan gənc sahibkarların və startapların dünya miqyasında tanınmasına töhfə vermək, startapların layihələrinin investorlar tərəfindən maliyyələşdirilməsinə dəstək göstərməkdir.
