"CanSat Azərbaycan 2020" model peyk müsabiqəsi pandemiya səbəbindən təxirə salınıb.
Xeberler.az bildirir ki, müsabiqənin təşkilatçılarından verilən məlumata görə, müsabiqə çərçivəsində nəzərdə tutulan sonuncu “Uçuş və uçuşdan sonrakı hesabat” mərhələsi pandemiya ilə əlaqədar qeyri-müəyyən müddətə təxirə salınıb.
Qeyd edək ki, müsabiqəyə 5 ali təhsil müəssisəsindən (Bakı Mühəndislik Universiteti, UFAZ, Milli Aviasiya Akademiyası, Bakı Ali Neft Məktəbi və Moskva Dövlət Universiteti) 6 komanda (Rodimus, Canopus, Feniks, Undefined Five Objects, MS_U_FO və Cannis Majoris) sənədlərini təqdim edərək finala vəsiqə qazanıblar.
Müsabiqə tələbələr arasında kosmik sahəyə marağın artırılması və bu sahədə fundamental bilik və bacarıqlar formalaşdıraraq yerli kadrların yetişdirilməsi məqsədilə təşkil edilir.
Müsabiqənin şərtlərinə əsasən, komandalar tərəfindən kiçik peyk modeli hazırlanır. Model müəyyən edilmiş hündürlükdən buraxıldıqdan sonra yerə enərkən, təyin olunan missiyasını yerinə yetirir.
Müsabiqə Təhsil Nazirliyi və "Azercosmos" ASC tərəfindən təşkil olunub.
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları