Xeberler.az bildirir ki, “Azərkosmos” ASC və Təhsil Nazirliyinin birgə təşkilatçılığı ilə keçirilən “CanSat Azərbaycan 2019” model peyk müsabiqəsinin final mərhələsində uğur qazanan komandaların təltifetmə tədbiri keçirilib.
Tədbirdə artıq ikinci ildir baş tutan “CanSat Azərbaycan” müsabiqəsinin vacibliyi vurğulanıb və bu tədbirin gənclərin kosmik texnologiyalar sahəsinə marağının artrılmasına xidmət etdiyi qeyd olunub.
Daha sonra müsabiqənin final mərhələsində uğur qazanan komandalara – birinci yerin qalibi ADA Universitetinin “CanADA”, ikinci yerin qalibi Bakı Ali Neft Məktəbinin “Can of Duty”, üçüncü yerdə qərarlaşan Bakı Mühəndislik Universitetinin “Caucasus_Sat” komandalarına qiymətli hədiyyələr və sertifikatlar təqdim olunub.
Bununla yanaşı, müsabiqədə fəal iştirak edən digər komandalara da həvəsləndirici hədiyyələr verilib. Müsabiqə müddətində göstərdikləri dəstəyə görə komandaların təmsil olunduğu təhsil müəssisələri təşəkkürnamələrlə təltif edilib.
Tədbirin yekununda, həmçinin “CanSat Azərbaycan 2020” müsabiqəsinin başlandığı elan olunub.
Azərbaycanın kosmik proqramına öz töhfəsini verəcək yeni nəsil gənclərin yetişməsi üçün bu cür layihələrin davamlı olaraq keçirilməsi planlaşdırılır. Hətta gələcəkdə analoji regional müsabiqələrin ölkəmizdə keçirilməsi üçün artıq imkan var. Bu isə Azərbaycanın kosmik sənaye ölkəsi kimi beynəlxalq nüfuzuna birbaşa müsbət təsir göstərəcək.
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları