Tələbələrimiz beynəlxalq proqramlaşdırma müsabiqəsində qalib oldu

11-12-2015 / 13:26

Azərbaycan komandaları Tələbələrin Beynəlxalq Proqramlaşdırma Müsabiqəsinin yarımfinal mərhələsində və Cənubi Qafqaz Açıq Çempionatında iştirak edib.

Xeberler.az-ın məlumatına görə, Azərbaycanın 9 ali təhsil müəssisələrindən olan 15 komanda dekabrın 5-dən 7-ə kimi Gürcüstan Respublikasının Tbilisi şəhərində keçirilən 40-cı ACM ICPC NEERC Tələbələrin Beynəlxalq Proqramlaşdırma Müsabiqəsinin yarımfinal mərhələsində və Cənubi Qafqaz Açıq Çempionatında iştirak edib.

Azərbaycan müsabiqədə ADA Universiteti, Azərbaycan Dövlət Neft və Sənaye Universiteti, Azərbaycan Universiteti, Bakı Ali Neft Məktəbi, Bakı Dövlət Universiteti, M.Lomonosov adına Moskva Dövlət Universitetinin Bakı fililalı, Naxçıvan Dövlət Universiteti, Qafqaz Universiteti, Xəzər Universiteti ilə təmsil olunub.

Dekabrın 5-də müsabiqənin birinci günü sınaq turu keçirilib. Sınaq turunda komandalara 2 saat ərsində 20 alqoritmik məsələnin proqramını tərtib etmək və avtomatik qiymətləndirmə sistemində sınaqdan keçirmə tapşırığı verilib.

Müsabiqənin ikinci günü yarımfinalın komanda müsabiqəsi keçirilib.  

Komanda müsabiqəsində NEERC regionu üzrə Rusiya Federsiyası, Belarus Respublikası, Azərbaycan Respublikası, Gürcüstan Respublikası, Ermənistan Respublikası, Latviya Respublikası, Litva Respublikası, Estoniya Respublikası, Qazaxıstan Respublikası, Qırğızıstan Respublikası, Özbəkistan Respublikasının ali təhsil müəssisələrindən 226 komanda iştirak edib. Müsabiqədə komandalara 5 saat ərsində 12 alqoritmik məsələnin proqramını tərtib etmək və avtomatik qiymətləndirmə sistemində sınaqdan keçirmə tapşırığı verilib.

Dekabrın 7-də  Cənubi Qafqaz Açıq Çempionatının fərdi müsabiqəsi keçirilib. Fərdi müsabiqədə 81 tələbə iştirak edib. Müsabiqədə iştirakçılara 4 saat ərsində 9 alqoritmik məsələnin proqramını tərtib etmək və avtomatik qiymətləndirmə sistemində sınaqdan keçirmə tapşırığı verilib.

Azərbaycan komandalarından Qafqaz Universiteti II dərəcəli diplom və ACM ICPC 2015-2016 Azərbaycan Çempionu olub.

Müsabiqənin Azərbaycan üzrə regional direktoru Ramin Mahmudzadə, koordinatoru isə Etibar Seyidzadədir.

Sevinc Çəltikova 

 


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə