ClimateLaunchpad 2017-nin qalibləri-Foto

07-08-2017 / 10:47

AMEA Yüksək Texnologiyalar Parkının dəstəyi ilə keçirilən dünyanın ən böyük "Yaşıl" biznes ideya müsabiqəsi ClimateLaunchpad 2017-nin qalibləri müəyyənləşib.

AMEA-dan Xeberler.az-a verilən  məlumata görə, Azərbaycanın ilk dəfə qoşulduğu ClimateLaunchpad müsabiqəsində iştirak edən 13 startap  komandası ölkə finalında qalib olmaq uğrunda mübarizə aparıblar.

 Qalib olan 3 komanda ölkəmizi 17-18 oktyabr  2017-ci ildə Kiprın Limasol şəhərində keçiriləcək beynəlxalq finalda təmsil etmək hüququ qazanıblar.

Mükafatlandırma mərasimində qaliblər müxtəlif nominasiyalar üzrə təltif ediliblər.

Dünya finalında hər iştirakçı ölkədən 3 komanda Avropanın qabaqcıl investorları və sahibkarları qarşısında təqdimat edəcəklər. Azərbaycanı 14 startap komandasından finala vəsiqə qazanan 3 startap layihəsi təmsil edəcək.

Qaliblər:

1 -ci yer: CATALYST - karbon qazının havadan utilizasiyası üçün vulkan külü tərkibli katalizator icad ediblər.
 
2-ci yer: EMWAWES elektromaqnit şüalanmasını elektrik enerjisine çevirən telefon batareyaları işləyib, hazırlayıblar.
 
3-cü yer: SHO2WER suyun istifadəsinə qənaət edən mexanik və elktron cihazdır.

“Audience Favorite Startup” – İzləyicilərin Favorit Startapı nominasiyası üzrə iki 14 yaşlı gəncin Rainergy adlı layihəsi qalib olub.

Bundan əlavə, layihə çərçivəsində aylardır göstərdiyi dəstəyə görə Leyla Tağızadə Social Innovation Lab tərəfindən “Woman Philanthropist of the Year Award 2017” mükafatı ilə təltif edilib.

Dünya finalında 1-ci yer 10000, 2-ci yer 5000 və 3-cü yer sahibləri 2500 avro pul mükafatı ilə təltif olunacaqlar. Bundan başqa, dünya finalında ilk 10 yeri tutan startap layihəsi kiçik ideyaların böyük bizneslərə çevrildiyi 18 aylıq "Climate-KIC Accelerator" proqramına qəbul olacaqlar. 

Akselerator proqramında hər bir layihəyə üç mərhələdə  95,000 avro maliyyə dəstəyi verilir. İntensiv biznes məktəbi olan və təşəbbüskar insanların bir araya gəldiyi beynəlxalq  platforma “Climate-KIC” proqramı 2010-cu ildə Avropa Birliyi İnnovasiya və Texnologiya İnstitutu tərəfindən yaradılıb.

ClimateLaunchpad proqramının ölkəmizdəki  rəsmi tərəfdaşı Social Innovation Lab-dır. 

Xeberler.az

 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.