Code Academy proqramçı hazırlamağa davam edir- Güzəştli şərtlərlə

08-01-2016 / 11:39

Rabitə və Yüksək Texnologiyalar Nazirliyinin (RYTN) tabeliyində yaradılan Yüksək Texnologiyalar Parkı təhsil üzrə Code Academy layihəsinin üçüncü  proqramına başlayıb.

YTP-dən Xeberler.az-a verilən məlumata görə,  yanvarın  18-də başlayacaq üçüncü proqram çərçivəsində Code Academy-də 12 həftə (1 həftə onlayn + 10 həftə intensiv master-klas + 1 həftə karyera planlaşdırma) ərzində master-klaslar keçiriləcək.

 Bu müddət ərzində veb proqramlaşdırma sahəsində tamamilə başlanğıc səviyyədə olan insanlardan veb developer hazırlanacaq.

Qeyd edilib ki, 12 həftəlik proqram müddətində tələbələr başlanğıc və ya junior səviyyədə olmasından asılı olmayaraq Code Academy-nin hər növ texniki və profesional təcrübə dəstəyi ilə qısa müddət ərzində özlərini inkişaf etdirəcək.

Tədris müddətində  HTML5,CSS3, Javascript, jQuery, PHP və Mysql (və frameworkları - SASS, Bootstrap, Laravel) öyrədirik və eyni zamanda əlavə fərdi inkişaf təlimlərləri ilə karyera planlaşdırmada, öyrəndiklərini necə pula çevirə bilmələri mövzularında kömək göstəriləcək.

Məktəbli, tələbə və ya kariyera dəyişikliyi fikrində olan peşəkar olmağından aslı olmayaraq hər kəs Code  Academy-nin  bir parçası ola bilər.

Academy-nin  tələbələrinə aşağdakı imkanlar yaradılıb:

- Veb texnologiyalar üzrə ixtisaslaşmış amerikan kurrikulum sisteminə əsaslanan dinamik öyrənmə mühiti və tədris alətləri
- Tədris müddətində daima tələbələrlə bərabər olacaq xüsusi və təcrübəli müəllim və mentor-proqramçılar xidməti
 - İntensiv komanda işi (tələbələrin 12 həftə ərzində real layihələrdə işləməsi) 
-Qeyri İT məşğələ və workshop-ların köməkliyi ilə profesional və fərdi inkişaf 

-   24/7 açıq ofis, (İşləmək istədiyiniz hər an ofis ixtiyarınızdadır)
- Hər dörd tələbədən birinə pulsuz təhsil alma imkanı

Qeyd edək ki, ilk iki tam buraxlışa sahib Code  Academy-nin növbəti proqramına qəbul davam  edir.

Təqaüd proqramına seçim motivasiya və maliyyə çətinlikləri kriteryalarına əsasən aparılır.
 Yanvar ayının 18-ində başlayacaq olan 12 həftəlik tədris proqramımızın qiyməti 690 AZN-dir. Xanımlara əlavə olaraq 70 AZN  güzəşt edilir  var və qəbul zamanı verilən tapşırıqları bitirdikləri halda əlavə daha 70 AZN güzəşt qazanmış olurlar. Birdəfəlik olan ödənişi endirimlərlə birgə 525 AZN-ə qədər  güzəşt edilə bilir. Ödəniş birdəfəlik ödənişin qiymətidir,  amma tələbələr  imkanlarına uyğun olaraq bunu iki hissədə və ya 3 hissədə ödəyə bilər.

Qəbul prosesi bir neçə addımdan ibarətdir. Aldığımız məlumata görə,qəbul prosesində ilk olaraq iştirakçılardan müsahibə götürüləcək.  Bundan əlavə, ingilis dili bilikləri, alqoritmik biliklər, riyazi, və məntiqi biliklər yoxlanılacaq. Proqrama fundamental kompüter bilikləri və böyük həvəsi olan hər kəs müraciət edə bilər.

Qeyd edək ki, proqram ödənişlidir. Proqramın ödənişli olmasına baxmayaraq müsahibədən və imtahanlardan asılı olaraq güzəştlər ediləcək.

Code Academy –nin ilk məzunlarından  olan 15 yaşlı tələbə onlayn  şahmat oyununu hazırlayıb qarşılıqlı olaraq iki nəfər oturub oynaya bilər. Tələbələrdən  bəziləri artıq işə başlayıb  və ilk maaşlarını belə alıblar.

 Bir qrup tələbə hazırda onlayn  mafia oyunu üzərində çalışır. Tələbələrdən bəziləri də freelance olaraq xarici bazarlardan iş götürməyə başlayıb.

Daha geniş məlumatı www.code.edu.az ünvanından əldə edə bilərsiniz.

Məltəm Talıbzadə 

 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.