Code Academy-nin məzunları sertifikatla təltif olunub- Fotolar

23-05-2016 / 13:41

Məlumat verdiyimiz kimi, Rabitə və Yüksək Texnologiyalar Nazirliyinin (RYTN) tabeliyində yaradılan Yüksək Texnologiyalar Parkında və Baku Business Factory-də fəaliyyət göstərən təhsil yönümlü Code Academy layihəsinin dördüncü proqramı davam etdirilir.

Xeberler.az-ın məlumatına görə, yanvarın 18-də başlayan  üçüncü proqram çərçivəsində Code Academy-də  proqramçı olmaq istəyənlərə 12 həftə ərzində master-klaslar keçirilib.

12 həftəlik proqram müddətində tələbələr başlanğıc və ya junior səviyyədə olmasından asılı olmayaraq Code Academy-nin hər növ texniki və profesional təcrübə dəstəyi ilə qısa müddət ərzində özlərini inkişaf etdirə biliblər.

Bu müddət ərzində veb proqramlaşdırma sahəsində tamamilə başlanğıc səviyyədə olan insanlardan veb developer olaraq yetişdirilib.

Uğurlu yekundan sonra, Code Academy tərəfindən dünən Akademiyanın 3-cü buraxılışı üzrə məzun tələbələri üçün Xızı rayonuna səyahət təşkil edilib.

Akademiyanın müəllim və tələbələri ilə təşkil edilən qeyri-rəsmi gəzinti maraqlı məqamlar ilə yada qalıb.

Qeyd edək ki, səhayət tələbələrin Akademiyadan məzun olmaları münasibəti ilə təşkil edilib. Həmçinin, Xızıda tələbələrə Akademiyanı uğurla başa vurduqlarına görə Code Academy mütəxəssisləri tərəfindən sertifikatlar təqdim edilib.

Söhbətimiz əsnasında Yüksək Texnologiyalar Parkının şöbə müdiri Ülvi Aslanov bildirib ki, Akademiyaya 3-cü buraxılış proqramı üzrə 200-ə yaxın müraciət olunub.

Onlar arasından 40 nəfər gənc Code Academy-də tələbə olmaq şansı qazanıb.

Code Academy -nin baş müəllimi Samir Kərimovun sözlərinə görə, Akademiyanın 3-cü buraxılış proqramı çərçivəsində dərslərdə davamlı iştirak edib, laboratorya işlərini, yekun layihənin təqdim olunmasını yerinə yetirən 25 tələbə Code Academy-nin sertifikatını qazanıb.

Code Academy-nin müəllimi Eldar Ələsgərov əlavə edib ki, digər tələbələr də yekun layihələrini təqdim etdikdən sonra sertifikat ilə təltif olunacaqlar.

Xızıda gənc proqramçılarımızla söhbət zamanı onlar bildirib ki, Code Academy-də dərslərə başlayanda proqramlaşdırma ilə bağlı demək olar ki, bilik və təcrübələri olmayıb. Məzunlar deyir ki, bu sahə ilə bağlı bilik və təcrübələri Akademiyada öyrəniblər. Yəni, bir növ Akademiya onlara bu sahəni sıfırdan tədris edə bilib.

Öyrənirik ki, artıq məzunlara həm özəl, həm də dövlət qurumlarında işləmək və müxtəlif layihələrdə çalışmaq təklifi gəlir.

Ülvi Aslanov Code Academy-nin uğurlu layihələrinin davamlı olacağını, 27 iyun tarixindən etibarən isə 5-ci proqrama başlanılacağını qeyd edib.

Onun sözlərin görə, Code Academy ailəsin üzvü olaraq proqramlaşdırma sahəsində intensiv tədrislə real nəticələr əldə etmək istəyənlər bu proqrama müraciət edə bilər.

Qeyd edək ki, Code Acadmey-nin dərsləri Yüksək Texnologiyalar Parkında, laboratoriya işləri isə Baku Business Factory-də aparılır.

 

Məltəm Talıbzadə


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.