Code Academy məzunları PRONET şirkətində işləmək şansı qazanacaq

01-07-2016 / 12:53

13 illik təcrübəyə malik, milli ERP sistemləri üzərində çalışan və bazara bir neçə digər proqramlaşdırma həllərini ilə təqdim edən PRONET şirkəti ilə Code Academy əməkdaşlığa başlayıb.

Əməkdaşlığın əsas məqsədi Code Academy məzunlarının müvəffəqiyyətli karyera qurmalarına şərait yaratmaqdır.

Code Academy-dən Xeberler.az-a verilən məlumata görə, bu əməkdaşlıq layihəsinə əsasən, Code Academy-nin tədris proqramını bitirən gənclər PRONET şirkətində çalışmaq şansı əldə edəcək. Bununla da, onlar biznesin avtomatlaşdırılmasına yönələn həllərin təkmilləşdirilməsində aktiv iştirak edəcək.

Code Academy məzunları öyrəndiklərini iş yerində tətbiq etmək imkanı qazanaraq karyera yolunda düzgün istiqamət götürmək və böyük nailiyyətlər qazanmaq imkanı da əldə edəcək.

Qeyd edək ki, artıq 1 ildir fəaliyyət göstərən Code Academy növbəti- 5-ci proqramlaşdırma  proqramının qəbuluna davam edir.

 Bu proqramda iştirak üçün buradan müraciət edə bilərsiniz.

Hazırda ilkin demo həftə olaraq başlanılan dərslərdə veb proqramlaşdırmanın ilkin əsasları öyrədilir. Buradan müraciət edə bilərsiniz.

Şəhərin mərkəzində iki fərqli mərkəzlə - Yüksək Texnologiyalar Parkında və Baku Business Factory-də fəaliyyət göstərən Code Academy-nin proqramlaşdırma dərslərində bugünə qədər130 nəfər iştirak edib.

İştirakçılar arasında əsasən universitet tələbələri və məzunları çoxluq təşkil etsə də, işləyənlər üçün 16 həftəlik tədris proqramı da mövcuddur.

Code Academy məzunlarının proqram sonrasında karyeralarına düzgün şəkildə başlamaları üçün onlara karyera planlaşdırması, fərdi inkişaf təlimləri keçirilir, eyni zamanda, müxtəlif şirkətlərlə əlaqələr qurulur, məzunların bundan faydalanmalarına imkan yaradılır.

Məltəm Talıbzadə


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.