Code Academy Texno Parkın layihəsi olub, yoxsa müstəqil olub?

24-01-2017 / 15:12

Məlumat verdiyimiz kimi, 2015-ci il Rabitə və Yüksək Texnologiyalar Nazirliyinin (RYTN) tabeliyində Yüksək Texnologiyalar Parkı təhsil üzrə yeni layihəyə - Code Academy proqramına başladı.

Belə ki, Parkda fəaliyyətə başlayan Code Academy İKT sektorundakı ehtiyacı nəzərə alaraq, real proqramlaşdırma bacarıqlarını öyrətməyi hədəfləməyi qarşısına məqsəd qoydu. Əslində layihə ölkədə startap ekosistemin inkişafı ilə bağlı Startap Azərbaycan tərəfindən hazırlanan təkliflər əsasında işə başlayıb.

Qeyd edək ki,  layihəyə ilk vaxtlar YTP-ın şöbə müdiri Ülvi Aslanov rəhbərlik edib.

Belə ki 2014-cü ildə Startap Azərbaycan Təşkilatının təşəbbüsü ilə ekosistemdə maraqlı tərəflərin iştirakı ilə aparılan müzakirələr əsasında Azərbaycanda innovasiyalı biznesin inkişafı məqsədilə bir xeyli təkliflər hazırlanıb, Rabitə və Yüksək Texnologiyalar Nazirliyinə təqdim edilib.

Həmin təkliflərdə Azərbaycanda proqramçı qıtlığını aradan qaldırmaq üçün Yüksək Texnologiyalar Parkında proqramçı və dizaynerlərin hazırlığı üzrə xüsusi proqram əsasında müntəzəm davam edən kursların təşkil edilməsi və peşəkar mütəxəssislərin buraya cəlb edilməsi də yer alıb.

Startap Azərbaycan-ın Təşlilat Komitəsindən Xeberler.az-a verilən məlumata görə, təkliflər Nazirliyə təqdim edildikdən sonra bu istiqamətdə rəsmi müzakirlər, görüşlər təşkil edilib.

Bu müzakirələrin nəticəsi olaraq Nazirliyin dəstəyi ilə YTP-ın tərkibində Code Academy layihəsi yaradılıb, müvafiq yerlə və resurslarla təmin edilib.

Layihənin əsas məqsədi də ideyası olan gəncləri bu ideyaları həyata keçirmək üçün lazım olan texniki biliklərlə təmin etməkdir. Beləliklə, Code Academy elan etdiyi proqramlar çərçivəsində iştirakçılara sıfırdan interaktiv veb layihələrin yaradılması bacarıqları, HTML5 & CSS3, JavaScript əsasları, PHP&MySQL bilikləri ikili proqramlaşdırma metodikası ilə tədris etməyə başladı.

Son zamanlarda layihənin müstəqil olaraq fəaliyyətə başlayacağı haqqında fikirlər səslənirdi.

Artıq əldə etdiyimiz məlumata görə, Code Academy YTP-dan ayrılaraq, tamamən müstəqil olaraq fəaliyyətə başlayıb. Belə ki, əvvələr YTP-ın yerləşdiyi bina- AFF Business House-un 3-cü mərtbəsində yerləşən layihə, artıq həmin binanın 2-ci mərtəbəsində özəl olaraq yer əldə edib və müstəqil fəaliyyətə başlayıb.

Ülvi Aslanovun da YTP-dakı işindən ayrıldığı qeyd edilir.

Qeyd edək ki, 2015-ci ilin yanvarından fəaliyyətə başlayan Code Academy bu günə qədər bir neçə proqram həyata keçirib. Bu 12 həftəlik tədris proqramımın qiyməti 3-cü proqram zamanında 690 AZN olub ki, İT mütəxəssilər hesab edir ki, Code Academy-in kursları üçün bu qiymət baha müəyyən edilib.

Onu da qeyd edək ki, layihə ilk vaxtlar yaradılanda hətta kursların ödənişsiz olacağı da qeyd edilib.

Layihənin birdən-birə Texno Parkdan ayrılıb müstəqil fəaliyyət göstərməsi ekspertlər arasında birmənalı qarşılanmayıb.

Ekspetlər hesab edir ki, Texno Park tərəfindən dəstəklənən Code Academy-nin kursları ödənişsiz və ya güzəştli şərtlərlə tədris etməsi faydalı olardı.

Layihənin müstəqil fəaliyyətə başlayacağı təqdirdə Texno Park tərəfindən bu istiqamətdə mövcud problemlərin həlli üçün zəruri addımlar atmağın vacibliyi də vurğulanır.

Məsələni YTP ilə dəqiqləşdirməyə çalışdıq. YTP-dən bir qədər fərqli yanaşma oldu. 

Qurumdan  Xeberler.az-a verilən məlumata görə layihə hazırda YTP-də  fəaliyyət göstərir və rəsmi olaraq YTP-a məxsusdur.

Məsələ ilə bağlı Code Academy-dən isə Xeberler.az-a bildirilib ki, layihə YTP-da müstəqil olaraq yaradılıb və bu günə qədər müstəqil fəaliyyət göstərib. Hazırda isə başqa bir ofisə köçdüklərini təsdiqləyiblər.

Düşünürük ki, layihənin hazırkı statusu ilə bağlı YTP və Code Academy-nin birgə rəsmi açıqlama verməsi doğru və faydalı olardı.

 

Xeberler.az

 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.