Yüksək Texnologiyalar Parkı yeni layihəyə başlayır

11-06-2015 / 15:17

Rabitə və Yüksək Texnologiyalar Nazirliyinin (RYTN) tabeliyində yaradılan Yüksək Texnologiyalar Parkı təhsil üzrə yeni layihəyə başlayıb. 

YTP-dan  Xeberler.az-a verilən məlumata görə, Parkda fəaliyyətə başlayan Code Academy İKT sektorundakı ehtiyacı nəzərə alaraq, real proqramlaşdırma bacarıqlarını öyrətməyi hədəfləyən layihədir.

Bu layihənin əsas məqsədi ideyası olan gəncləri bu ideyaları həyata keçirmək üçün lazım olan texniki biliklərlə təmin etməkdir.

Belə ki, iyunun 20-da  tədrisə başlayan Code Academy-də intensiv tədris və real iş şəraitilə, 12 həftə (1 həftə onlayn + 10 həftə intensiv master-klas + 1 həftə karyera planlaşdırma) ərzində master-klaslar keçiriləcək.

Proqram çərçivəsində iştirakçılara sıfırdan interaktiv veb layihələrin yaradılması bacarıqları, HTML5 & CSS3, JavaScript əsasları, PHP&MySQL  bilikləri ikili proqramlaşdırma metodikası ilə tədris ediləcək. Nəzəri biliklərlə yanaşı, proqram iştirakçıları həm də öyrəndikləri bilikləri real iş şəraitində təcrübəli və peşəkar mentorların nəzarətilə tətbiq edə biləcək.

Həmçinin, iştirakçıların karyera planlaşdırmasına kömək etmək məqsədilə İKT sahəsində təcrübəli şəxslərin həftəlik “vorkshop”-ları təşkil olunacaq, bununla iştirakçılara fərqli yanaşmalar təqdim olunacaqdır. Proqramın yekununda karyera qurmaq üçün bir həftəlik tədrislə iştirakçılar həm intervülərə hazırlaşacaq, həm də onların böyük şirkətlərlə görüşləri təşkil ediləcək.

Layihə üzrə məzunlar İKT sahəsində real biliklər əldə etməklə yanaşı, Code Academy-nin təqdim etdiyi üstünlüklərdən faydalanacaq. Belə ki, UDEMY tədris portalından ödənişsiz istifadə, Akademiyanın şəbəkəsinə qoşulmaq və s. kimi üstünlüklər nəzərdə tutulub.

Qeyd edilir ki, YTP-ya dəstək olanlar  arasında Microsoft və Uber-in olması Akademiyaya xüsusi dəyər qatır. Daha dəqiq desək, iştirakçıların master-klaslara tam fokuslanmalarını təmin etmək məqsədi ilə Uber tərəfindən ödənişsiz xüsusi sürücü xidməti təqdim ediləcək. Microsoft isə öz növbəsində Microsoft Office 365 və Bizspark proqramı üçün lisenziya ilə təmin edəcək.

Qəbul prosesi bir neçə addımdan ibarətdir. Proqrama fundamental kompüter bilikləri və böyük həvəsi olan hər kəs müraciət edə bilər. Müraciət etmək istəyənlər bu formanı - https://goo.gl/xHOj6L doldurub göndərə bilər.

Daha geniş məlumatı www.codeacademy.az ünvanından əldə edə bilərsiniz.

 

Ruhəngiz Muradova 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.