TEXNOLOGİYA

Müasir təhsil sistemi dərslik və mühazirələrlə yanaşı həm də video, şəkillər, interaktiv qrafik və testlərdən ibarətdir.

Bütün bu texnologiyalar təlim prosesinin daha səmərəli edilməsi üçün istifadə olunur.

Xeberler.az bu dəfə təhsil prosesində istifadə edə biləcəyiniz texnologiyaları təqdim edir.

 Lenovo Pocket Projector

Dərs zamanı ənənəvi proyektordan istifadə etmək mümkün olmadıqda bu kiçik proyektor köməyinizə çatacaq. 170 qram ağırlığında olan proyektor smartfon və ya planşet  ölçülərinə yaxındır. Wi-Fi vasitəsilə işləyən proyektoru istifadə edən zaman əlavə heç bir vasitəyə ehtiyac qalmır.

ARCHOS Education

Bu il  fransızlar Android və Windows əməliyyatında çalışan  təhsil sektoru üçün 9 və 10 düymlük planşet  ailəsini təqdim edib.  2 GB RAM və 64 GB ümumi yaddaşa sahib olan texnologiyanı məktəb çantasında daşımaq asandır.

Equil Smartpen 2

Çoxumuz sonuncu dəfə nə vaxt əl ilə  yazdığımızı unutmuşuq. Mühəndislər real həyata uyğunlaşmaq  üçün tələb edilən xüsusiyyətləri nəzərə alaraq "equil smartpen 2" yaradıblar. Bu texnologiyanın köməyi ilə çertyoj və eskizlər çəkib onu redaktə etmək və paylaşmaq imkanınız olacaq.

 Recorder Pen

 Recorder Pen vasitəsi ilə auditoriyada oturub,dəftərinizə qeydlərinizi yazırsız və yazdığınız sözləri qələm yaddaşda saxlayır. Daha sonra bu qeydləri Bluetooth vasitəsilə kompüter,smatrfon və ya planşetinizə köçürə bilərsiniz.

TeacherKit mobil tətbiqi

Müəllimlər üçün faydalı olan tətbiq vasitəsilə dərs planını qurmaq mümkündür. Həmçinin sinif və ya qrupları siyahısı, şəkilləri, onlar haqqında bütün informasiyaları yerləşdirmək də olar.

 İnteraktiv lövhə Esprit mobile

İnteraktiv lövhənin bahalı və böyük ölçülü versiyaları olduğu üçün daha çox xüsusi dərslərdə, böyük auditoriyalarda və evlərdə istifadə olunur.

Distant təhsil üçünTeachbase platforması

Onlayn dərs keçməyin ən asan və ucuz yolu Skype-dır. Lakin böyük qruplarda bunu etmək çətinləşir və Teachbase platformasının köməyi ilə bu probleminiz həll olur. Bu platformanın köməyi ilə vebinar və mühazirələri onlayn həyata keçirə, müəllimlərin materiallarını yaddaşda saxlaya və qiymətləndirmədə iştirak edə bilərsiniz.

Sevinc Əsədova