Təhsil müəssisələrinə 2480 noutbuk verilib

22-09-2016 / 14:53

2015 və 2016-cı tədris illəri ərzində təhsil müəssisələrinə 2480 ədəd noutbuk, 2750 ədəd proyektor, 1500 ədəd printer, 190 ədəd elektron lövhə və 200 ədəd stolüstü kompüter paylanıb.

Bu barədə sorğumuza cavab olaraq Təhsil Nazirliyindən məlumat verilib.

Qeyd edilib ki, hazırda Təhsil Nazirliyi tərəfindən məktəblərin İKT avadanlıqları ilə təmin olunmasında yeni modeldən istifadə edilir:

“Model ondan ibarətdir ki, Təhsil Nazirliyi tərəfindən müəllimlərin tədris prosesində İKT-nin tətbiqi üzrə keçirilən təlimlərdə yüksək nəticə toplamış müəllimlərin sinif otaqları kompüter, proyektor, elektron lövhə ilə təmin olunur və ATŞ-yə qoşulur”.

Rayon məktəblərində vəziyyət necədir?

Məlumatda bildirilib ki, təhsil müəssisələrinə İKT avadanlıqlarının paylanması bir çox meyarlara (məktəblərdə şagird kompüter nisbəti, müəllimlərin hazırlığı və s.) əsasən aparılır:

“Müəllimlərin İKT bacarıqlarının artırılması istiqamətində aparılan təlimlər isə həm şəhər həm də regionlarda təşkil olunur. Misal üçün, 2015-2016-cı tədris ili ərzində Nazirliyin Təhsil Sisteminin İnformasiyalaşdırılması İdarəsi tərəfindən paylanılan avadanlıqların 93%-i regionları əhatə edir. Bu da öz növbəsində region məktəblərinin hər zaman diqqət mərkəzində olduğunu göstərir”.

Məktəbələrə əsasən hansı firmanın İKT avadanlıqları verilir?

Qeyd edilib ki, hazırda məktəblərə müxtəlif markalı avadanlıqlar verilir, bunlara Acer, HP, Lenovo, Epson, Optoma, Samsung, Promethean, Hitachi və s. markalar aiddir:

"Bu məsələdə ssas üstünlüyü isə qiymət və keyfiyyət təşkil edir. Veriləcək avadanlıqların hansı şirkətə aid olacağı keçiriləcək satınalma prosesindən asılı olur. Bu kimi şikətlərlə əməkdaşlığın formatı qarşıya qoyulan texniki tapşırıqdan asılı olur".

 

 

Məltəm Talıbzadə


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.