TENDER

Texnologiya dünyasını Parisdə toplamağa hazırlaşan dünyanın ən böyük startap kampusu  olma iddiasındakı  Station F, 34 min kvadrat kilometrlik nəhəng bir sahədə tikilir.

Xeberler.az xarici mediaya istinadən məlumat verir ki, Station F 2017-ci ildəki planlarını və ilk üzvlərini açıqlayıb.

Məşhur fransız mühəndis Eugène Freyssinet-in 1929-ci ildə inşa etdiyi köhnə bir qatar stansiyasında açılacaq Station F tanınmış memarlar Wilmotte & Associés tərəfindən dizayn edilib.

7/24 yaşayan bir yer olacaq Station F-in ilk üzvləri isə Facebook, TechShop və vente-privée olacaq.

Qeyd edək ki, Facebook-un Station F üçün necə bir siyasət seçəcəyi hələlik açıqlanmayıb.

Məlumata görə, Station F 3 min oturacağı olan bir startap bölgəsi, xüsusi ofislər,  toplantı otaqları və 360 nəfərlik konfrans salonuna sahib olacaq.

Kampusda 24 saat açıq 4 mətbəx, kafe, bar və restoran olacağı da qeyd edilib.

Station F-da 600 startapın yaşaya biləcəyi binaların isə 2018-ci ildə tikilib başa çatması vurğulanıb.

Qeyd edilir ki, Station F Fransanın ən öndə olan məktəblərindən HEC Paris-in yeni yuvası olacaq. Belə ki, bu kampus tarixi bir sahəni texnologiya dünyasının cazibəli mərkəzi halına gətirməyi hədəfləyib.

Mərkəz dünyanın hər yerindən startapları gözlədiyini elan edib.

Məltəm Talıbzadə