TEXNOLOGİYA

Alimlər, araşdırmaçılar, ekspertler hesab edir ki, 35 ildən sonra dünya əhalisinin üçdə ikisi şəhərlərdə yaşayacaq. Bir çox şəhərlər buna hazırlanmağa çalışarkən bəziləri sahibkarlıq ruhu və yerli dəstəklər sayəsində artıq önə keçib.

 2thinknow  adlı araşdırma şirkəti texnoloji yatırımlar, infrastruktur, ekosistem, patent sayı kimi bir çox kriteriyaları əsas götürərək dünyanın ən texnoloji şəhərlərinin siyahısını hazırlayıb.

Xeberler.az həmin araşdırmaya istinadən dünyanın 25 texnoloji ölkəsini təqdim edir:

Vaşinqton- ABŞ

Son 10 ildə texnologiya sahəsindəki məşğulluğu 50 faiz artırıb. Bu gün 1000-dən çox startap mərkəz ofislərini şəhərdə açıb. Texnologiya ilə bağlı rəqəmlər sürətlə artır.

Kopenhagen- Danimarka

Startap ekosistemi çox geniş olmasa da, ağıllı istehsal texnologiyaları və ağıllı şəhərciklər baxımından  inkişaf etmiş şəhərdir. Kopenhagen  2025-ci ildə neftdən asılılığını tamamilə aradan qaldırmağı hədəfləyir.

Şenzen-Çin

Bir çox telekom və robot firması 11 milyonluq bu şəhəri mərkəz müəyyən edib. Şəhərdən çıxan texnoloji patent ədədlərində partlayış var.

 Dublin- İrlandiya

Vergi üstünlükləri və təşviqlər sayəsində Avropanın texnologiya mərkəzlərindən biri olub. Facebook,LinkedIn, Hubspot, Dropbox kimi firmaların Avropa və EMEA rəhbərlikləri burada yerləşir. Avropanın ən böyük startap fondu olan Enterprise Ireland da bu şəhərdədir.

Montreal- Kanada

Sürətlə böyüyən bir startap ekosisteminə sahib olan şəhərdir. Xüsusilə geyiləbilən texnologiyalar, sənaye dizaynı və proqramlaşdırmada çalışanlar üçün doğru ünvanlardandır.

Şanxay- Çin

Mindən çox startapda çalışan 100 mindən çox işçini saxlayan Zhangjiang Hi-Tech Park-a ev sahibliyi edir

Bura tez-tez Çinin Silikon Vadisi olaraq xarakterizə edilir.

Stockholm- İsveç

Stockholm  Avropada ən çox “unicorn”,  yəni dəyəri 1 milyard dolları keçən şirkəti saxlayan şəhərdir. Bu şəhər də 5-10 il içində tamamilə neftdən asılılığı azaltmağı hədəfləyir.  

Eyni zamanda, startap sərmayəsi investisiyalarında dünyanın ən sürətli böyüyən ikinci bazardır.

Stuttgart- Almanya

2thinknow araşdırmasına görə,  Stuttgart dünyada yüksək texnologiya sahəsində ən çox patent müraciəti edən beşinci şəhərdir.

Xatırladaq ki, Porsche, Daimler, IBM, Bosch  kimi nəhənglərin mərkəzləri də buradadır.

 Hong Kong-Çin

İnternet bağlantısı ən sürətli şəhərlərdən biri olan Hong Kong ötən il  243 milyard dollarlıq yüksək texnologiya ixrac edib.

 Bu,  şəhər dövlətinin bütün ixracatının yüzdə 51 faizini keçir.

 Moskova- Rusiya

60 milyon dollarlıq kosmos araşdırmaları fondunun mərkəzi buradadır. Şəhərin texnologiyaya çevrilməsi üçün də  ciddi investisiyalar qoyulur.

Vancouver-Kanada

Toplam gəlirləri 2 milyard dolları keçən 600-dən çox rəqəmsal media startapına ev sahibliyi edir. Ekosistem sürətlə böyüyür.

Münhen-Almanya

Əhali başına düşən patent sayında Almaniya birincisidir. Qlobal texnologiya nəhəngi Siemens-in burada olması da təəccüblü deyil.  Təxminən 550 amerikalı İT firması Avropa ofisini açmaq üçün Münheni seçib.

Berlin-Almanya

Dünyanın bütün avtomobil firmalarının təmsil edilidiyi şəhərdir.  Çox güclü bir startap ekosistemi və mədəniyyəti var. Startap sərmayəsi investisiya faizləri ilə Avropada ilk  3-dədir. 

Chicago-ABŞ

ABŞ-da yüksək texnologiya məşğulluğu sayında  ilk beşlikdədir.CityWorks adlı şəhər nəqliyyat və enerji çevrilmə layihəsi də diqqət çəkir.

Tokio-Yaponiya

Dünyanın ən sıxlıq olan şəhəridir, eyni zamanda qlobal texnologiya nəhənglərinin də yuvasıdır. Burada nəqliyyat infrastrukturu dünyanın ən yaxşılarındandır. Hər il 2,3 milyard sərnişin daşıyan Tokio metrosunda gecikmə nisbəti az qala sıfıra yaxındır.

Amsterdam- Hollandiya

Avropalı rəqiblərinə görə daha kiçik olsa da, finansal  texnologiyalar, enerji və sahibkarlıq mədəniyyəti baxımından Avropanın mərkəzlərindən biridir. 2025-ci ildə benzin və dizel vasitələri ilə işləyən qurğuları qadağan etməyi planlaşdırır.

Sinqapur

Dünyanın ən çox proqramçı və startap sərmayəsi yatırımçısı olan şəhərlərindəndir. MIT ilə birlikdə şəhərdə toplu daşımanın suveren qılınacağı nəhəng bir layihəyə  ev sahibliyi edir.

Toronto-Kanada

Kanadanın texnologiya firmalarının 30 faizi Torontodadır. Həmçinin bunların çoxunda çalışan işçilərin sayı da  çoxdur. Görünür, Kanadadan 10-ci ilə damğasını vuracaq layihələr böyük ehtimalla buradan çıxacaq.

 Taipei-Tayvan

Asus, MSI, Gigabyte və Acer kimi nəhənglərin mərkəzlərini olduğu şəhərdir. Təchizat və sənaye dizaynda Asiyanın liderlərindəndir.

 Boston-ABŞ

ARGE deyəndə ABŞ-da ilk ağla gələn şəhərlərdəndir. Gələcəyin texnologiyalarının hazırlanıb, inkişaf etdirildiyi MIT, Harvard, Tufts kimi elit universitetlərlə yanaşı,  Facebook kimi nəhənglərin ARGE laboratoriyalarının da ünvanı buradadır.

 Los Angeles-ABŞ

LA County Economic Development Corporation 2014 hesabatına görə,  Los Angeles yüksək texnologiya məşğulluğunda ABŞ-da bir nömrədir.  Bu sahədə ümumi gəlir isə  58 milyard dollardır. Bu sürətlə böyüməyə əsas səbəb startaplardır.

Seoul-Cənubi Koreya

“Gələcəyin şəhəri” olaraq xarakterizə edilən Seoul 2thinknow araşdırmasına görə, bu gün dünyada ən çox patent çıxaran  ölkədir. Ağıllı metro sistemindəki dəqiqlik və problemlərin olmaması baxımından ABŞ və Avropadakı bir çox metro sistemindən fərqlənir.

 New York-ABŞ

Texnologiya dünyasının ən qəribə mərkəzlərindəndir. İnfrastrukturu köhnə,  amma əhali və iqtisadiyyat bir o qədər mütərəqqidir. Təxminən 7 min yüksək texnologiya startap 100 min nəfəri işlə təmin edir. Manhattan ətrafını əhatə edən LinkNYC adlı  açıq  Wi-Fi şəbəkəsi layihəsi son dərəcə yaxşı çalışır və şəhərə yayılmağa da davam edir.

London-Birləşmiş Krallıq

2thinknow araşdırmasına görə, dünyanın ən çox startapçı və proqramçı saxlayan şəhəri Londondur. Avropadakı ən böyük tikinti layihəsi , 20 milyard dollarlıq  ağıllı metro və qatar şəbəkəsi layihəsi sürətlə davam edir.

San Francisco-ABŞ

Hər ölkənin “Silikon Vadimiz” deyə xarakterizə etdiyi bir bölgəsi var. Artıq bu standartı ifadə edən bu adın əsl sahib  isə bildiyiniz kimi,  San Franciscodur. Texnoloji inkişafa dair  hər şeyin mərkəzi olan şəhər startap mədəniyyəti, təşəbbüskar və sərmayəçi sayı, yüksək texnologiyada çalışan sayı və s. kimi  mövzularda dünya lideridir.

Məltəm Talıbzadə