TEXNOLOGİYA

Məlumdur ki, bu gün bir çox proqram mühəndisinin arzusu San-Fransiskoda həyat qurmaq, Silikon Vadisində çalışmaqdır. Amma bəzən reallıqlar düşündüyünüz kimi, "çəhrayı" olmaya bilər.

Muzdlu texnoloji maaşların qlobal vəziyyəti barədə 2017-ci il araşdırmaları Silikon Vadisində işlərin proqramçılar üçün getdikcə çətinləşdiyini açıqlayıb.

Xeberler.az məlumat verir ki, hesabat San-Fransisko xaricində dünyanın bütün texnologiya mərkəzlərində işləmək üçün doğru zamanın gəldiyini deyir.

5 min şirkətə aid, 45 min namizədlə 280 min iş görüşməsini əhatə edən araşdırma ABŞ-ın fərqli şəhərləri ilə yanaşı, Kanada, İngiltərə, Fransa və Avstraliyaya qədər uzanır.

Araşdırmanın 2017-ci il nəticələrinə görə, proqram mühəndislərinin dünyada ən çox qazandığı bölgə illik 134 min dollar maaşla San-Fransiskodur.

Onu 126 min dollarla Seattle izləyir. New York 120 min ödəyərkən, ən aşağı maaş 110 min dollarla Austindədir.

Kanada üçün bu ortalama Torontoda illik 74 min dollara düşür. Melbourne, Avstraliya üçün bu ortalama isə illik 83 min dollardır.

San-Fransiskonun ən çox qazandıran şəhər olması proqram mühəndisləri üçün cazibədar bir məkandır. Amma hesabata görə, burada yaşayış xərcləri çox yüksək olduğu üçün proqramçıların qazandığı maaşın elə yarısı bu xərclərə gedir.

Müqayisə üçün, Austində 110 min dollar qazanmaq San -Fransiskoda 198 min dollar qazanmaq deməkdir. Eyni formada, Melburndakı maaşınızı San–Fransiskoda qazanmaq istəyirsinizsə, 158 min dollarlıq bir müqavilə imzalamalısınız.

ABŞ xaricindəki texnologiya mərkəzlərindən Londonda illik 73 min dollar qazanan proqram mühəndisləri, Parisdə 55 min dollar, Sinqapurda 61 min dollar qazanır.

Şəhərlərdə yerli işçilər və xaricdən gələn proqram mühəndislərinə təklif edilən orta maaşlar bu şəkildədir:

Hesabatda namizədlərin iş müraciətlərində maaş tələblərinin nəzər alınması ilə bağlı maraqlı məlumat qeyd edilib.Göstərilir ki, Latın və Asiya mənşəli kimi proqramçıların maaş tələbləri ağlara görə daha aşağıdır.

Araşdırmaya görə, firmalar zənci işçiləri işə götürməyə daha meyillidir, nəinki digər millətləri.

 Günel