AZNET

"Son zamanlar ölkədə informasiya təhlükəsizliyinin qorunması ilə bağlı ciddi narahatçılıqların olduğu müşahidə olunur. Görünən odur ki, səlahiyyətli qurumlar bu sahədə ciddi tədbirlər görməyə başlayıb. Bildiyim qədər Xüsusi Dövlət Mühafizə Xidməti artıq dövlət qurumlarına Kaspersky məhsullarından istifadəni qadağan edib. Düşünmək olar ki, bizim səlahiyyətli qurumlarda dəqiq məlumatlar olub ki, bu məhsullarda xüsusi kodlar olub və hökumətin məlumatlarının nüsxələri başqa ünvanlara da göndərilib. Buna baxmayaraq hələ də bu resurslardan istifadə edən dövlət qurumları var. SOCAR-da isə bütünlüklə bu şirkətin məhsullarından istifadə edildiyi bildirilir."

Xeberler.az  məlumat verir ki, bu sözləri Azərbaycan İnternet Forumunun prezidenti, İKT sahəsi üzrə ekspert Osman Gündüz deyib.

Ekspert sonda bu sahədə kordinasiya və digər işlərin son zamanlarda Nəqliyyat, Rabitə və Yüksək Texnologiyalar Nazirliyi ELektron Təhlükəsizlik Mərkəzindən alınaraq, Prezident Fərmanı ilə yaradılan xüsusi Dövlət Komissiyasına verildiyini qeyd edərək bildirib :

"Güman ki, Komissiya vəziyyəti təhlil edəndən sonra belə qərara gəlib. Bir müddət öncə ABŞ prezidenti Donald Trump Kaspersky Lab-ın proqram təminatından istifadənin rəsmən qadağan edilməsi haqqında sənəd imzalayıb.Həmçinin Litva və digər ölkəklər də bu addımı atıblar. Buna səbəb kimi isə şirkətin Rusiya Xüsusi xidməti ilə çalışdığı göstərilib."