"Son günlər şəbəkədə kiberdələduzluq hallarının çoxaldığı, yeni formada kiber təhdidlərin artdığı müşahidə edilir. Kiberdələduzlar videozənglər vasitəsilə tanınmışları şantaj edir, bank kartlarının məlumatları müxtəlif üsullara ələ keçirilir, vətəndaşın tanıya biləcəyi nömrələrdən zəng etmək imkanı verən müxtəlif proqram təminatlarımdan istifadə edərək zənglər edilməklə məlumalar ələ keçirilir və s".
Xeberler.az bildirir ki, bu sözləri Azərbaycan İnternet Formunun Prezidenti Osman Gündüz deyib.
Ekspertin sözlərinə görə, vətəndaşların, dövlət və qeyri-dövlət sektorun informasiya təhlükəsizliyinin qorunması istiqamətində bu günlərdə daha aktivlik müşahidə olunmalıydı.
"Baş verənlərlə bağlı vətəndaşlara qabaqlayıcı mesajların verilməsi, kibertəhlükəsizliklə bağlı profilaktiki tədbirlərin görülməsi, kiber dələduzluq halı baş verdikdən sonra atılacaq addımlar haqqında vətəndaşların məlumatlanmasına ciddi ehtiyac var.
Ümumiyyətlə, ölkədə rəqəmsal savadlılıqla bağlı ciddi problemlər qalmaqdadır. Qeyri-dövlət sektorunda əsas səlahiyyətli qurum Nəqliyyat, Rabitə və Yüksək Texnologiyalar Nazirliyi yanında Elektron Təhlükəsizlik Xidmətidir. Son günlərdəki kiberdələduzluqlarla bağlı bu qurum tərəfindən hansı tövsiyyələrin verməsi ilə maraqlandım.
Rəsmi saytlarına daxil olduqda gördüm ki, bu tip axırıncı xəbərdarlıq-tövsiyyə məlumatı 5 ay öncə yerləşdirilib.
Bildiyim qədər yarıtmaz fəaliyyətinə görə Elektron Təhlükəsizlik Xidmətinin rəhbəri Faiq Fərmanov da də bir müddət öncə vəzifəsindən azad edilib.
Ümid edirəm NRYTN-nin yeni rəhbərliyi son baş verənlərlə bağlı bu istiqamətdə işləri daha da canlandıracaq.
Görünən odur ki, həm dövlət, həm də qeyri-dövlət sektorunda kibertəhlükəsizliklə bağlı məsələlərə cavabdeh olan Xüsusi Rabitə və İnformasiya təhlükəsizsizliyi Dövlət Xidməti və Elektron Təhlükəsizlik Xidməti tərəfindən profilaktika, maarifləndrimə, metodiki-informasiya dəstəyi çərçivəsində işlər gücləndirilməlidir. Hökumət bütövlükdə əhalinin rəqəmsal savadlılığının artırılması istiqamətdə kompleks tədbirlər müəyyən etməlidir. Rəqəmsal transformasiya ilə bağlı konseptual sənədlərin qəbulunu sürətləndirmək lazımdır".
