Daha bir ölkə Kaspersky məhsullarını qadağan etdi

22-12-2017 / 14:58

Bir müddət öncə məlumat verdiyimiz kimi, ABŞ prezidenti Donald Trump-ın Kaspersky Lab-ın proqram təminatından istifadəsinin rəsmən qadağan edilməsi haqda sənəd imzalayıb.

Buna səbəb kimi isə şirkətin Rusiya dövlətinə bağlı çalışdığı göstərilib.

Bir müddətdir bu məsələ mediada ciddi müzakirə edilir.

Ötən günlərdə Kaspersky Lab elan etdi ki, ABŞ Daxili Təhlükəsizlik Nazirliyinin (Department of Homeland Security – DHS) şirkətin məhsullarının amerikan dövlət orqanlarında istifadəsinin qadağan olunması ilə bağlı qərarından Amerika məhkəməsinə şikayət edəcək.

Hazırda şikət bununla mübarizə aparmağa çalışarkən daha bir dövlət Kaspersky Lab–ın məhsullarından istifadəni qadağan edib.

Xeberler.az xarici mediaya istinadən məlumat verir ki, Litva hökuməti şirkətin proqramının milli təhlükəsizliyi təhdid etdiyini və həssas məlumatlar saxlanılan kompüterlərdə istifadə edilməsinin qadağan olduğunu elan edib.

Litvanın qərarı ABŞ-dan fərqli olaraq özəl şirkətlərə də aid edilib. Belə ki, dövlət qurumları ilə yanaşı nəqliyyat, maliyyə və energetika sektorlarında fəaliyyət göstərən Litva şirkətləri, eləcə də dövlət qurumları Kaspersky proqramından istifadə edə bilməyəcək.

Məltəm Talıbzadə

 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.