Ekspert SCADA sistemi haqqında danışdı

13-02-2019 / 11:25

“Azərenerji” ASC etibarlılıq və təhlükəsizliyi artırmaq üçün enerji sistemin Dispetçer İdarəetmə Mərkəzini yenidən qurur. Yenilənəcək SCADA sistemi daha çox enerji obyektini əhatə etməklə müasir idarəetməni nəzərdə tutur və tam avtomatlaşdırılacaq.

Mövcud məsələylə bağlı Azərbaycan İnternet Forumunun prezidenti, İKT sahəsi üzrə ekspert Osman Gündüz Xeberler.az -a açıqlama verib:

"Nəhayət ki, Azərenerji-nin yeni rəhbərliyi SCADA informasiya sistemi ilə bağlı real vəziyyəti açıqladı. Məlum oldu ki, enerji sektorunu avtomatik rejimdə, real vaxtda idarəetməyə imkan verməli olan bu sistem qarşıya qoyulan tələblərə cavab vermir.  Bir sözlə tam olaraq yenidən qurulmalıdır.
Hansı ki ötən rəhbərliyin dövründə bu sistemin qurulmasına 58 milyon $ ( 47 miln. Dünya Bankı, 8 miln. Azərbaycan Hökuməti və 3 miln. Almaniyanın KfW bankı) xərclənmişdi.
Yeri gəlmişkən, bu sistemin quraşdırılmasının birinci mərhələsində dünyada tanınmış şirkət olan SİEMENS iştirak edib. Amma nədənsə sonralar, 2007-ci ildən sonra bu şirkətin xidmətlərindən imtina edilib və müvafiq işləri görmək üçün Azərenerji Dünya Bankı ilə birgə Fransanın «Areva» şirkətini seçmişdi. 
Bütün bu işlərin qarşılığında, bu cür nəhəng vəsaitlə başa gələn sistem məlum enerji qəzası zamanı çökdü. Hansı ki bu tip sistemlər enerji obyektlərini, stansiyaları avtomatik rejimdə idarə etməliydi. Amma Areva-nın 58 milyon dollara qurduğu SCADA bunu bacarmadı.
İndi o da məlum olur ki, ümumiyyətlə texnoloji cəhətdən də sistemin yenilənməsi mümkünsüzdür.
Görəsən Azerenerji-nin köhnə və yeni rəhbərliyi , Dünya Bankı Areva-dan bunun səbəbini soruşublarmı?
Görəsən Azərbaycan hökuməti Azerenerji-nin köhnə rəhbərliyindən, Dünya Bankından , sektora nəzarət edən dövlət qurumlarından 58 miln. $ vəsaitin hesabatını tələb edəcəkmi?"


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə