Ekspert: 50 faiz şagird imtahanda bu fəndən sıfır bal toplayıb

31-12-2020 / 12:37

 “Ötən dərs ili ölkə üzrə 50% 9-cu sinif şagirdi 1-ci mərhələdə imtahan vərəqələrini heç nə yazmadan geri qaytarmışdı. Yəni , 50% 9-cular 0 bal toplamışdı” 

Xeberler.az bildirir  ki, bunu  Azərbaycan  İnternet  Forumunun  Prezidenti  Osman  Gündüz  bildirib. 

O qeyd  edib  ki, DİM-in  elmi- statistik  nəticələrini  araşdrımaqla  bir  neçə dəfə buna  münasibət  bildirib:

“Ölkə üzrə  Riyaziyyat  1-ci  mərhələdə  orta  bal  isə (%-lə) 10 bal olub. Bu, anlaşıqlı  formada  o  deməkdir  ki, klassik  qiymətləndrimə  ilə, ölkə  üzrə bütün 9-cular  ötən  dərs  ilində  Riyaziyyat- kurrikulumdan  “2”  qiymət  alıblar .

Son  2-3  ildir  ki, 9 - cu siniflərin  Riyaziyyat  buraxılış imtahanlarının  1- ci mərhələsinin (kurikulum)  nəticələri  ağlasığmaz  dərəcədə aşağı  səviyyədə  olur.” 

O nəzərə çatdırıb ki, 2  il  öncə  təxminən  74%  şagird  bu  nəticəni  göstərib: 

“Xatırlayıram  ki,  2  il öncə  də  9-cu  siniflərin  riyaziyyatdan  buraxılış imtahanlarında  çox  bərbad  nəticələr  alınmışdı. Həmin ildə  1-ci  mərhələ riyaziyyat  imtahanında  ölkə  üzrə  41 %  9- cu sinif şagirdi  "0" bal, 33%  isə cəmi  6  bal  toplamışdı  (30 ballıq sistemdə). Bu  isə  köhnə, klassik qiymətləndirmə sistemi ilə təxminən  74%  şagirdin "2" qiymət alması  anlamına  gəlirdi”.

Ekspert təklif edilən yeni modeldən də danışıb: 

“Təhsil naziri, xatırlayıram ki, bu nəticələri ciddi təhlil edib, Riyaziyyatın və İnformatikanın tədrisinin  yaxşılaşdırılması  ilə  bağlı xüsusi bir Əmr də imzalamışdı. İndi yeni model təklif olunub. 

Güman ki, bu model , həm əvvəlki illərin kurrikulum nəticələrinin hədsiz aşağı olması  və həm də cari ildə pandemiya  ilə əlaqəli  təhsil  sistemində yaranmış vəziyyət  nəzərə  alınmaqla  tətbiq  edilib.  Yaranmış  situasiya  ilə  əlaqəli  hələlik adı  çəkilən fənnin  tədrisində  ciddi  keyfiyyət  dəyişikliklərinə  nail  olmaq mümkün olmayıb. 

Əgər  DİM-in  əvvəlki  illərin klassik  metodunun  tətbiqi  baş  versəydi,  9-cuların riyaziyyatdan  kurikulum  üzrə  buraxılış  qiymətlərini  proqnozlaşdırmaq  elə də çətin  olmazdı”. 

Əlavə olaraq qeyd  edək  ki, ötən gün DİM  Təhsil nazirliyi  ilə  razılaşdırmaqla  yeni buraxılış  imtahanı  modelini  təqdim  edib. Yeni  modelə  əsasən, DİM  2021-ci ildə IX  sinif  şagirdləri  üçün  buraxılış  imtahanını  bir  mərhələli  edib.


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.