İnformatika fənni niyə qəbul imtahanına salınmır?

17-10-2017 / 18:10

Qəbul imtahanlarında kompüter və İT ilə bağlı ixtisaslara informatika əvəzinə kimyadan imtahan daxil edilməsi ekspertlər tərəfindən müzakirə edilən mövzulardandır.

Belə ki, uzun müddətdir qeyd edilir ki, bu məsələyə Təhsil Nazirliyi və Dövlət İmtahan Mərkəzi yenidən baxmalıdır.

“Əslində, təqdim edilən son qiymətləndrimə modelindən də görsənir ki, hər iki qurum razılaşıb ki, informatikanın məktəblərdəki tədrisi keyfiyyətsiz olduğundan kompüter və İT ixtisaslarına elə kimyadan imtahan daxil etmək məqsədəuyğundur.
Fikrimcə, ölkədə təhsil siyasətinə cavabdeh qurum olan TN buna razılıq verməməliydi”.

Bunu məsələni Xeberler.az-a şərh edərkən Azərbaycan İnternet Formunun prezidenti, ekspert Osman Gündüz deyib.

O hesab edir ki, cari ildəki 9-cu siniflərin yeni proqram əsasında riyaziyyatdan verdiyi buraxılış imtahanındakı nəticənin 44%-nin sıfır olması TN –ni ciddi narahat edib:

“Amma düşünürəm ki, istənilən halda TN bu razılaşmaya getməməliydi və informatikadan imtahan salınması və informatikanın məktəblərdə tədrisinin yaxşılaşdırılması xəttini seçməliydi. Tam məsuliyyətlə deyə bilərəm ki, yeni qiymətləndrimə modelindəki “informatika” əvəzinə “kimya” təklifi dolayısı ilə ölkədə son dövrlərdə qəbul edilən Azərbaycanın gələcəyi ilə bağlı konseptual sənədlərə, Startei Yol Xəritəsinin təhsil və kadrların hazırlanması ilə bağlı istiqamətinə, təhsilin inkişafı üzrə Dövlət Strategiyasına və İnformasiya cəmiyyətinin inkişafına dair Milli Strategiyaya tamamilə ziddir”.

Ekspert deyib ki, bu məsələdə 2 əsas seçim var:

“Hökumət ya bu tip konseptual sənədləri yendiən nəzərdən keçirib müvafiq dəyişikliklər etməlidir. Və yaxud  da TN və DİM-in təklif etdiyi razılaşdırılmış modeldə qəbul imtahanları ilə bağlı 1-ci qrup ixtisaslarının 2 hissəyə ayrılmasını (kompüter, İT və riyaziyyat ixtisasları qrupu və digər ixtisaslar üzrə qrup) təmin etməlidir. Və kompüter ixisasları üzrə qrupda da informatikadan imtahan daxil edilməlidir. Ümid edirəm ki, 2-ci varinata üstünlük veriləcək”.

Məltəm Talıbzadə

 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.