Təhsil Nazirliyi bütün şagirdlərin 2 almasının səbəblərini müzakirə edəcəkmi ?

04-09-2019 / 16:43

Xeberler.az bildirir ki, Dövlət İmtahan Mərkəzinin bu il dərc olunan elmi-statistik təhlilində qeyd olunub ki, ümumtəhsil məktəblərində kurrikulumun tətbiqi zəifdir və şagirdlərin bilik və bacarıqları aşağı səviyyədədir. DİM bunu 9-cu siniflərin buraxılış imtahanlarının nəticələri əsasında açıqlayıb.

Artıq məlumat verdiyimiz kimi bu il 9-cu siniflərin riyaziyyatdan 1-ci mərhələ (kurrikulum uzrə) buraxılış imtahanlarının nəticələri çox aşağı səviyyədə olub. Söhbət açıq testlər üzrə olan imtahandan gedir.

Ölkə üzrə 50% 9-cu sinif şagirdi 1-ci mərhələdə imtahan vərəqələrini heç nə yazmadan geri qaytarıb. Ölkə üzrə riyaziyyat 1-ci mərhələdə orta bal isə (%-lə) 10 bal olub. Bu o deməkdir ki, klassik qiymətləndrimə ilə, ölkə üzrə bütün 9-cu sinif şagirdləri riyaziyyat-kurrikulumdan “2” qiymət alıblar.

Xeberler.az bildirir ki, məsələyə Azərbaycan İnternet Formunun Prezidenti, ekspert Osman Gündüz münasibət bildirib:

“DİM-in statistikasında bu rəqəmlər, hər bir bölgə və məktəb üzrə təqdim edilib. Maraqlı nəticələr var. Elə şəhər və rayonlar var ki, onların bu nəticələri hətta Bakı şəhəri üzrə nəticələrdən yüksəkdir.

Düşünürəm ki, bu tip məktəblərin kurrikulum üzrə təcrübələrini yaymaq faydalı olardı.

Maraqlı məqam həm də ondan ibarətdir ki, görəsən Təhsil Nazirliyi bu nəticələri müzakirə edəcəkmi ?

Hazırda Təhsil nazirinin Əmri ilə bütün ölkə üzrə növbəti dərs ilinə hazırlıqla bağlı müzakirələr aparılır.

Bu yaxınlarda Təhsil naziri faydalı bir Əmr imzalayıb. Bu Əmrdə növbəti dərs ili üçün qarşıda duran vəzifələr də müyyən olunub. Orada riyaziyyat və informatika ilə bağlı faydalı məqamlar nəzərdə tutulub.

Fikrimcə, Təhsil Nazirliyi DİM-in elmi-statistik təhlilində qeyd olunanlarla bağlı, konkret 9-ın nəticələri ilə bağlı maraqlı tərəflərin iştirakı ilə müzakirə keçirməsi və konkret tədbilər hazırlaması daha faydalı olardı“.

 


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə