NRYTN yenə də 5 il əvvəlki adi informasiya sistemi ilə sərgiyə qatılıb

19-09-2019 / 12:25

Xeberler.az bildirir ki, Nəqliyyat, Rabitə və Yüksək Texnologiyalar Nazirliyinin Məlumat Hesablama Mərkəzi Birləşmiş Ərəb Əmirliklərində işə başlayan “SMART SME MENA 2019” sərgisində öz məhsullarını təqdim edib.

Azərbaycan İnternet Formunun Prezidenti, ekspert Osman Gündüz sərgidə təqdim olunan  Mobil Cihazların Qeydiyyat Sistemini tənqid edib. Ekspert bildirib:

NRYTN yenə də 5 il öncə hazırladığı, adi informasiya sistemini qoltuğuna vurub beynəlxalq sərgiyə gedib. 70-dən çox şirkətin qatıldığı “SMART SME MENA 2019” sərgisində yenə də Mobil Cihazların Qeydiyyat Sistemi nümayiş olunub.

Türkmənistanın Türkmənbaşı şəhərində keçirilən Xəzər İqtisadi Forum sərgisində də bu adi bir informasiya sistemini təqdim ediblər.

Təsəvvür edin sistemin mahiyyəti ondan ibarətdir ki, mobil operatorlarla inteqrasiya şəraitində işləyən bu Qeydiyyat Sistemində qeydiyyatdan keçməyən mobil avadanlıqlar bloka salınır. Vəssalam.

Belə görürəm ki, NRYTN bu sistemi hələ çox beynəlxalq sərgilərdə nümayiş etdirəcək.

Odur ki, Presizdent Administarsiyasının müvafiq şöbəsinə təklif edirəm ki, NRYTN üçün beynəlxalq sərgilərdə nümayiş etdiriləcək bir İT məhsul təqdim etsin.

Və ya elə NRYTN yanında yaradılan İnnovasiya Agentliyi təcili olaraq, hazırda özündə olan startaplardan, ya da startapçıları yığıb ortabab bir innovativ həll hazırlayıb Nazirliyə təqdim etsinlər.

Əgər bunlar tezliklə başa gəlməsə onda mən təklif edərdim ki, Aztelekomun özəl provayderlərdən “müştəri oğurluğu” ilə bağlı tətbiq etdikləri ONU tipli mini ATS-lə əlaqəli sistem daha innovativ həll olaraq nəzərdən keçirilsin".


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.